Last updated on April 23rd, 2025 at 09:28 am
ಶ್ರೀನಗರ: ಜಮ್ಮು ಬೊಕ್ಕ ಕಾಶ್ಮೀರದ ಪಹಲ್ಗಾಮ್‌ಡ್ ಪ್ರವಾಸಿಗೆರೆ ಮಿತ್ತ್ ನಡತಿನ ಭಯೋತ್ಪಾದಕ ದಾಳಿಡ್ 28ರ್ದ್ ಎಚ್ಚ ಜನ ತೀರ್ದೆರ್ ಪನ್ದ್ ತೆರಿದ್ ಬೈದ್ಂಡ್. ಆತೇ ಅತ್ತಂದೆ 20ರ್ದ್‌ಲಾ ಎಚ್ಚ ಜನೊಕು ಗಡಿಕೂಲಾತ ಪನ್ದ್ ವರದಿಲು ತೆರಿಪಾದ.
ಸೈದಿನಕಲೆನ ಸಂಖ್ಯೆ ಎಚ್ಚ ಆದುಪ್ಪುನ ಸಾಧ್ಯತೆಲಾ ಉಂಡು.
ಗೃಹ ಸಚಿವೆ ಅಮಿತ್ ಶಾ ಶ್ರೀನಗರೊಗು ಪೋಪುನಾರ್ ಪನ್ದ್ ವರದಿ ಆತ್ಂಡ್.
ಭಯೋತ್ಪಾದಕ ದಾಳಿರ್ದ್ ಬೊಕ್ಕ, ಪ್ರಧಾನಿ ನರೇಂದ್ರ ಮೋದಿ ಮೇರ್ ಸೌದಿ ಅರೇಬಿಯಾರ್ದೇ ಕೇಂದ್ರ ಗೃಹ ಸಚಿವೆ ಅಮಿತ್ ಶಾ ಮೆರೆಡ ಪಾತೆರ್ದ್ ಬೋಡಾಪಿನ ಕ್ರಮ ಗೆತೊನ್ರ ಸೂಚನೆ ಕೊರ್ತೆರ್. ಅಂಚಾದ್ ಅಮಿತ್ ಶಾ ಅರ್ಜೆಂಟ್ ಮೀಟಿಂಗ್ ಲೆತ್ತಿತ್ತೆರ್. ಮೀಟಿಂಗ್‌ಡ್ ಐಬಿ ಗೃಹ ಕಾರ್ಯದರ್ಶಿ ಬೊಕ್ಕ ಗೃಹ ಸಚಿವಾಲಯೊದ ಬೇತೆ ಅಧಿಕಾರಿಲು ಪಾಲ್‌ಪಡೆದಿತ್ತೆರ್.
ಪ್ರಧಾನಿ ಮೋದಿ ಜೆಡ್ಡಾ ರ್ದ್ ಕಾಶ್ಮೀರಗ್ ಪಿದಡ್ದೆರ್.