Last updated on April 28th, 2025 at 12:39 pm
ಕುಡ್ಲ, ಏ. 28: ಬೊಲ್ತೇರ್ ತಾಲೂಕ್‌ದ ಪ್ರೈವೇಟ್ ಕಾಲೇಜ್‌ಡ್ ಓದೊಂದುಪ್ಪುನ ವಾಲಿಬಾಲ್ ಗೊಬ್ಬುಗಾರೆ ಸೈಯದ್ ಪನ್ಪಿನಾಯನ ಕಾಮಕಾಂಡ ಪಿದಯಿ ಬೈದ್ಂಡ್.
ಹಿಂದೂ ಪೊಣ್ಣು ಒರ್ತಿಗ್ ಮೆಸೇಜ್ ಮಲ್ತ್‌ದ್ ಲೈಂಗಿಕ ಕಿರುಕುಳ ಕೊರ್ತಿನ ಆರೋಪಡ್ ಹಿಂದೂ ಸಂಘಟನೆ ಕಾರ್ಯಕರ್ತೆರ್ ಆಯಗ್ ನಾಲ್ ಪೊಲಿ ಪಾಡ್ದೆರ್. ಈ ಪೊರ್ತುಡು ಸೈಯದ್‌ನ ಮೊಬೈಲ್ ಒಯ್ತೊಂದು ತೂನಗ ಪಾಕ ಪೊಣ್ಣುಲೆಡೊಪ್ಪ ಸರಸ ಸಲ್ಲಾಪೊದ ವಿಡಿಯೋಲು ತಿಕ್ಕ್‌ದ. ಇತ್ತೆ ಬೊಲ್ತೇರ್ ಪೊಲೀಸೆರ್ ಪೋಕ್ಸೋ ಕಾಯ್ದೆದ ಅಡಿಟ್ ಆಯನ್ ಕೈದ್ ಮಲ್ದೆರ್.
ಸೈಯದ್ ಮೂಲತಃ ಕಾರ್ಲದಾಯೆ. ಬೊಲ್ತೇರ್‌ಡ್ ಪ್ರೈವೇಟ್ ಕಾಲೇಜಿಡ್ ಓದೊಂದಿತ್ತ್‌ದ್, ವಾಲಿಬಾಲ್ ಗೊಬ್ಬುವೆ. ಒರ್ತಿ ವಿದ್ಯಾರ್ಥಿನಿಗ್ ಸೈಯದ್ ಮೆಸೇಜ್ ಮಲ್ತ್‌ದ್ ಲೈಂಗಿಕ ಕಿರುಕುಳ ಕೊರ್ತಿನ ಆರೋಪ ಕೇನ್ದ್ ಬತ್ತಿತ್ತ್‌ದ್, ಈ ವಿಚಾರೊಡು ಹಿಂದೂ ಸಂಘಟನೆದ ಕಾರ್ಯಕರ್ತೆರ್ ಆಯನ್ ಪತ್ತ್‌ದ್ ನಾಲ್ ಪೊಲಿ ಪಾಡ್ದ್, ಪೊಲೀಸೆರೆಗ್ ಒಪ್ಯಾದೆರ್.
ಈ ಪೊರ್ತುಡು ಸೈಯದ್‌ನ ಮೊಬೈಲ್ ಒಯ್ತೊಂದು ಓಪನ್ ಮಲ್ತ್ ತೂನಗ ಹಿಂದೂ ಸಂಘಟನೆ ಕಾರ್ಯಕರ್ತೆರ್ ಒರ ಶಾಕ್ ಆತೆರ್. ದಾಯೆ ಪನ್ಡ ಆಯನ ಮೊಬೈಲ್‌ಡ್ ಇಡೀಯ ಅವೇತೋ ಪೊಣ್ಣುಲೆಡ ಸರಸ-ಸಲ್ಲಾಪೊದ ವಿಡಿಯೋಲು ತಿಕ್ಕ್‌ದ. ಇಂಚಿನ ನೂದೆರ್ದ್‌ಲಾ ಮಿತ್ತ್ ಪೊಣ್ಣುಲೆನೊಟ್ಟುಗುದ ವೀಡಿಯೋಲು ಇತ್ತಗೆ.
ತನ್ನ ಮಿತ್ತ್ ಹಲ್ಲೆ ಮಲ್ದಿನಕ್ಲೆನ ಮಿತ್ತ್‌ಲಾ ಸೈಯದ್ ಬೊಲ್ತೇರ್ ಪೊಲೀಸ್ ಸ್ಟೇಶನ್‌ಡ್ ಒಯಿಲ್ ಬರೆಪಾದೆ. ಅಂಚಾದ್ ಹಿಂದೂ ಸಂಘಟನೆದ ಕಾರ್ಯಕರ್ತೆರೆ ಮಿತ್ತ್‌ಲಾ ಎಫ್ಐಆರ್ ದಾಕಲಾತ್ಂಡ್. ಉಜಿರೆದ ಮನೋಜ್ ಬೊಕ್ಕ ಪ್ರಜ್ವಲ್ ಗೌಡ ಪನ್ಪಿನಕ್ಲೆನ ಮಿತ್ತ್ ಎಫ್ಐಆರ್ ದಾಕಲಾತ್ಂಡ್.