Last updated on April 28th, 2025 at 11:17 am
ಉಡುಪಿ, ಎ. 28:ಅಕ್ಷಯ ತೃತೀಯತ ಏಲ್ಯ ಗಲಿಗೆಡ್, ಒಡಿಪು ಶ್ರೀ ಕೃಷ್ಣ ಮಠೊಂತ ಪರ್ಯಾಯ ಶ್ರೀ ಪುತ್ತಿಗೆ ಮಠೊ ಏಪ್ರಿಲ್ 30 ದಾನಿ ಶ್ರೀ ಕೃಷ್ಣಗ್ ವಿಶೇಷ ತುಲಾಭಾರ ಸೇವೆದ ಅಟ್ಟಣೆ ಮಳ್ದ್ಂಡ್. ಶ್ರೀ ಕೃಷ್ಣ ಮಠೊಂತ ಶ್ರೀ ಮಧ್ವ ಮಂಟಪೊಂತ ವಸಂತ ಮಹಲ್ಟ್ ಈ ಸಮಾರಂಭೊ ಬಯ್ಯ 4 ಗಂಟೆಕ್ ನಡಪುಣು.
ಶ್ರೀ ಸುಗುಣೇಂದ್ರ ತೀರ್ಥ ಸ್ವಾಮಿಲು, ಏಪ್ರಿಲ್ 27 ತಾನಿ ಗೀತಾ ಮಂದಿರೊಂಟು ನಡತ್ಣ ಪತ್ರಿಕಾಗೋಷ್ಠಿಟ್ ಪಾತೆರ್ದ್, ಆಚರಣೆಂತ ಮಹತ್ವೊತ ಬಗೆಟ್ ಪಾತೆರೊಂತು, “ಅಕ್ಷಯ ತೃತೀಯನ್ ಪರಶುರಾಮನ ದಿನ ಪನ್ದ್ ಆಚರಣೆ ಮಳ್ಪುವ. ಧರ್ಮಗ್ರಂಥೊಕುಲೆಟ್, ಪರಶುರಾಮನ್ ಬಂಗಾರ್ದ ದೇಬೆರ್ ಅಂಚೆನೇ ಬಂಗಾರ್ನ್ ಮೋಕೆ ಮಳ್ಪುಣಾರ್ ಪನ್ದ್ ವಿವರಿತ್ದೆರ್. ಅಂಚಾದ್, ಅಕ್ಷಯ ತೃತೀಯದಾನಿ ಬಂಗಾರ್ನ್ ಅರ್ಪಣೆ ಮಳ್ಪುನ ಬೊಕ್ಕ ಬಂಗಾರ್ನ್ ಸ್ವೀಕಾರ ಮಳ್ಪುನೆಕ್ ವಿಶೇಷ ಮಹತ್ವೊ ಉಂಡು” ಪನ್ದ್ ಪನ್ಡೆರ್.
ತುಲಾಭಾರೊಡು ಒಟ್ಟಾಯಿನ ಬಂಗಾರ್ನ್ ಪಾರ್ಥಸಾರಥಿ ಬಂಗಾರ್ದ ತೇರ್ ಮಳ್ಪುನೆಕ್ ಗಲಸುವ ಪನ್ದ್ ಶ್ರೀ ಸುಗುಣೇಂದ್ರ ತೀರ್ಥ ಸ್ವಾಮೀಲು ಒಲವು ಕೊರ್ಯೆರ್. ಪವಿತ್ರ ತುಲಾಭಾರ ಸೇವೆಟ್ ಪಾಲ್ಪಡೆಪಿನ ಭಕ್ತೆರ್ ಶ್ರೀಕೃಷ್ಣಗ್ ಬಂಗಾರ್ ಅರ್ಪಣೆ ಮಳ್ಪೊಳಿ ಅಂಚೆನೇ ದೇಬೆರೆ ಅಂಗಾರ್ಲೆನ್ ಸ್ಪರ್ಶ ಮಳ್ಪುನ ಮುಕೇನ ಪವಿತ್ರ ಮಳ್ತಿನ ದೈವಿಕ ಸುವರ್ಣ ಪ್ರಸಾದೊನು ಗೆತೊನೊಲಿ. ಭಕ್ತೆರ್ ಮುಲ್ಪನೇ ಚಿನ್ನವನ್ನು ಗೆತೊನೊಲಿ ಅತ್ತ್ಂಡ ಸಮಾರಂಭೊಟು ಅರ್ಪಣೆ ಮಳ್ಪೆರ ತನ್ಕುಲೆ ಪರತ್ ಅತ್ತ್ಂಡ ಪಾಡೊನುನ ಬಂಗಾರ್ನ್ಲಾ ಕೊಣೊತ್ ಬರೊಲಿ. ದುಂಬುದ ಉಪಕ್ರಮೊಕುಳೆನ್ ನೆನೆಪು ಮಳ್ತೊಂದು, ಸ್ವಾಮಿಲು, “ನಮ್ಮ ದುಂಬುದ ಪರ್ಯಾಯೊಟು, ನಮ ನವರತ್ನ ತೇರ್ನ್ ಅರ್ಪಣೆ ಮಲ್ತ್ದ. ಈ ಪರ್ಯಾಯೊಟು, ನಮ ಪಾರ್ಥಸಾರಥಿ ತೇರ್ನ್ ಅರ್ಪಣೆ ಮಳ್ಪುವ” ಪನ್ದ್ ಪನ್ಡೆರ್.