Last updated on May 30th, 2025 at 10:43 am
ಮುಂಬೈ, ಮೇ. 29: ಮುಂಬೈ ಪೊಲೀಸ್ ಆಧಿಕಾರಿ ಕಾರ್ಲ ಎಣ್ಣೆಹೊಳೆ ಮೂಲೊದ ದಯಾ ನಾಯಕ್ರೆಗ್ ಅಸಿಸ್ಟಂಟ್ ಕಮಿಷನರ್ ಆಫ್ ಪೊಲೀಸ್(ಎಸಿಪಿ) ಆದ್ ಪ್ರಮೋಷನ್ ತಿಕ್ಕ್ದ್ಂಡ್.
ಅಂಡರ್ವರ್ಲ್ಡ್ದಕುಲೆಗ್ ಸಿಂಹಸ್ವಪ್ನೆರಾದಿತ್ತಿನ ದಯಾ ನಾಯಕ್ ಮುಂಬಯಿ ಕ್ರೈಂ ಬ್ರಾಂಚ್ ಸೀನಿಯರ್ ಇನ್ಸ್ಪೆಕ್ಟರ್ ಆದ್ ಬೇಲೆ ಮಲ್ತೊಂದಿತ್ತೆರ್. 1995ಟ್ ಪೊಲೀಸ್ ಇಲಾಖೆಗ್ ಸೇರಿಬೊಕ್ಕ ಆರ್ 2004ತ ಪೊರ್ತುಗು ಮುಂಬಯಿ ಅಂಡರ್ವರ್ಲ್ಡ್ದ 85 ರ್ದ್ಲಾ ಎಚ್ಚ ಕೆಂಗುಡೆರೆನ್ ಎನ್ಕೌಂಟರ್ ಮಲ್ತಿತ್ತೆರ್.
ಮಹಾರಾಷ್ಟ್ರ ಭಯೋತ್ಪಾದಕ ನಿಗ್ರಹದ ದಳೊಟುಲಾ ಬೇಲೆ ಮಲ್ದೆರ್. ಕರಿನ ಕೆಲ ವರ್ಸೊರ್ದಿಂಚಿ ಮುಂಬಯಿಡ್ ಇತ್ತಿನ ಡ್ರಗ್ಸ್ ಮಾಫಿಯಾನ್ಲಾ ಅಂಕೆಡ್ ದೀಪುನೆಟ್ ಆರ್ ಯಶಸ್ವಿ ಆದಿತ್ತೆರ್. ಮುಂಬಯಿ ಬೊಕ್ಕ ಬೇತೆ ಉಪನಗರೊಲೆಡ್ ನಡತೊಂದಿತ್ತಿನ ಡ್ರಗ್ಸ್ ದಂಧೆ ನೆಟ್ವರ್ಕ್ನ್ ಪುಡಪುನೆಟ್ ಆರೆನ ಮುತಾಲಿಕೆ ಇತ್ತ್ಂಡ್.