ವಿಟ್ಲಡೊಂಜಿ ಉಡಲ್ ಚುರ್ರ್ ಪನ್ಪಿನಂಚಿನ ನಡಕೆ : ಬೊಡೆದಿನ ಬಯಕೆದಾನಿಯೇ ಕು‌ಸ್ಕ್‌ದ್ ಬೂರ್ದ್ ತೀರಿನ ಕಂಡನೆ..!!

Last updated on May 23rd, 2025 at 12:09 pm

ವಿಟ್ಲ, ಮೇ 23: ಬೊಡೆದಿನ ಬಯಕೆದಾನಿಯೇ ಕುಸ್ಕ್‌ದ್ ಬೂರ್ದು ಕಂಡನೆ ತೀರ್ದಿನ ಬೆಸರ್‌ದ ನಡಕೆ ಕನ್ಯಾನಡ್ ನಡತ್‌ದ್ಂಡ್.

ಕನ್ಯಾನ ಮಿತ್ತನಡ್ಕ ನಿವಾಸಿ ಪಿಕಪ್ ಡ್ರೈವರ್ ಸತೀಶ್ (33) ತೀರ್ದಿನಾರ್.

ಕುಸ್ಕ್‌ದ್ ಬೂರ್ನ ಸತೀಶೆರೆನ್ ಅಪಗನೇ ಆಸ್ಪತ್ರೆಗ್ ದಾಕಲ್ತ್‌ದೆರ್. ಬೊಕ್ಕ ಎಚ್ಚಿನ ಮರ್ದ್‌ಗ್ ಕುಡ್ಲದ ಪ್ರೈವೇಟ್ ಆಸ್ಪತ್ರೆಗ್ ದಾಕಲ್ತ್‌ದೆರ್.

ಆಂಡ ಆರ್ ಮರ್ದ್ ಪಲಿಪಂದೆ ತೀರ್ದೆರ್ ಪನ್ದ್ ತೆರಿದ್ ಬೈದ್ಂಡ್.

ಮೇರ್ ಅಪ್ಪೆ-ಅಮ್ಮೆರ್, ಬೊಡೆದಿ ಬೊಕ್ಕ ಕುಟುಮದಕಲೆನ್ ಅಗತ್‌ದೆರ್. ಬಯಕೆದ ಕುಸಿಟ್ ಇತ್ತಿನ ಇಲ್ಲಡ್ ಇತ್ತೆ ಬೇನೆ ಬುಲಿಪು ದಿಂಜಿದ್ಂಡ್.