Last updated on May 8th, 2025 at 05:53 pm
ದೆಲ್ಲಿ: ಭಾರತ ಪಾಕಿಸ್ತಾನ ಆಕ್ರಮಿತ ಕಾಶ್ಮೀರೊದ ಭಯೋತ್ಪಾದಕ ಕ್ಯಾಂಪ್‌ಲೆನ ಮಿತ್ತ್ ‘ಆಪರೇಷನ್ ಸಿಂಧೂರ್’ ಪುದರ್‌ಡ್ ನಿಖರ ದಾಳಿ ಮಲ್ತಿತ್ತ್ಂಡ್. ಉಂದೆತ ಬೆರಿಟೇ ಪಾಕ್‌ದ ಚೈನಾರ್ದ್ ಕೊರ್ತಿನ HQ-9 ಏರ್ ಡಿಫೆನ್ಸ್ ರೇಡಾರ್‌ಲ್ ಪೊಡಿ ಆತ್ಂಡ್.
ಭಾರತೊದ 15 ನಗರೊಲೆನ್ ಪಾಕ್ ಟಾರ್ಗೆಟ್ ಮಲ್ತಿತ್ತ್ಂಡ್. ಭಾರತೊದ ಆವಂತೀಪುರ, ಶ್ರೀನಗರ, ಜಮ್ಮು, ಪಠಾಣ್‌ಕೋಟ್, ಅಮೃತ್‌ಸರ್, ಕಪುರ್ತಲಾ, ಜಲಂಧರ್, ಲುಧಿಯಾನಾ, ಆದಂಪುರ್, ಭಟಿಂಡಾ, ಚಂಢೀಘರ್, ನಾಲ್, ಫಲೋಡಿ, ಉತ್ತರ್ಲಾಯಿ ಬೊಕ್ಕ ಭುಜ್ ನಗರೊಲೆನ ಮಿತ್ತ್ ದಾಳಿ ಮಲ್ಪೆರ ತೂದಿತ್ತ್ಂಡ್. ಉಂದೆಕ್ ಎದುರಾದ್ ಭಾರತ ಜೋರುಡೆ ಸದು ಕೊರ್ದಿತ್ತ್‌ದ್, ಲಾಹೋರ್‌ ಬೊಕ್ಕ ಸಿಯಾಲ್‌ಕೋಟ್‌ದ ಏರ್ ಡಿಫೆನ್ಸ್ ಸಿಸ್ಟಮ್‌ಲೆನ್ ಕಾಲಿ ಡ್ರೋನ್ ಗಲಸ್‌ದ್ ಪೊಡಿ ಮಲ್ದ್ಂಡ್.
ಆತೇ ಅತ್ತಂದೆ ಪಾಕ್ ಭಾರತೊದ ವಿರುದ್ಧ ದಾಳಿ ಮಲ್ಪೆರ ಪ್ಲಾನ್ ಮಲ್ತೊಂದೇ ಉಂಡು ಪನ್ದ್ ವರದಿ ಆದಿತ್ತ್‌ಂಡ್, ಆಂಡ ಪಾಕಿಸ್ತಾನೊದ ಈ ಪ್ಲಾನ್‌ಗೇ ಭಾರತೀಯ ಸೇನೆ ನೀರ್ ಮೈತ್‌ದ್ಂಡ್. ಭಾರತೊದ ಮಿತ್ತ್ ದಾಳಿ ಮಲ್ಪೆರ ಪುನೆಯಿನ ಪಾಕ್‌ಗ್ ಇಂಡಿಯನ್ ಆರ್ಮಿ ಎಡ್ಡೆ ಪಾಠ ಕಲ್ಪಾದ್ಂಡ್.
ಈತ್ ಆಂಡಲಾ ಮನಿಪಂದೆ ಕುಲ್ಲಂದಿನ ಪಾಕ್ ಭಾರತ-ಪಾಕ್ ಗಡುಟು ಫೈರಿಂಗ್ ಬೊಕಲಾ ಜೋರು ಮಲ್ತೊಂದುಂಡು.