Last updated on May 9th, 2025 at 06:38 am
ದೆಲ್ಲಿ, ಮೇ 09: ಆಪರೇಶನ್ ಸಿಂಧೂರ್ದ ಪ್ರತೀಕಾರವಾದ್ ಪಾಕಿಸ್ತಾನ, ಭಾರತೀಯ ಸೇನಾ ನಿಲೆಕುಲೆನೇ ಟಾರ್ಗೆಟ್ ಮಲ್ತ್ದ್ ದಾಳಿ ಮಲ್ಪೆರೆ ಪಿದಡ್ದ್ಂಡ್. ಆಂಡ ಭಾರತ, ಪಾಕ್ ಡ್ರೋನ್ಲೆನ್ ಆಕ್ದ್ ಪೊಡಿ ಮಲ್ದ್ಂಡ್. ಜಮ್ಮು ವಾಯುನಿಲೆ, ಜೈಸಲ್ಮೇರ್, ಪಠಾಣ್ಕೋಟ್, ಅಖ್ನೂರ್, ರಾಜೌರಿ, ಪೂಂಚ್, ತಂಗಹಾರ್, ಸೇರ್ದ್ ಗಡು ಭಾಗೊದ ಪಾಕ ಪ್ರದೇಶೊಲೆನ ಮಿತ್ತ್ ಪಾಕಿಸ್ತಾನ ಡ್ರೋನ್ ದಾಳಿಗ್ ಪುನೆದ್ಂಡ್. ಆಂಡ, ಉಂದೆನ್ ಭಾರತೀಯ ಸೇನೆ ವಿಫಲ ಮಲ್ದ್ಂಡ್. ಆತೇ ಅತ್ತಂದೆ ಪಾಕಿಸ್ತಾನೊದ ಫೈಟರ್ ಜೆಟ್ ಎಫ್-16 ನ್ ಭಾರತೀಯ ಸೇನಾಪಡೆ ತಾಲ್ತ್ದ್ಂಡ್ ಪನ್ಪಿನ ಒಲವುಲಾ ತಿಕ್ಕ್ದ್ಂಡ್.
ಪ್ರಮುಖವಾದ್ ಚನಿ ಹಿಮತ್, ಆರ್ಎಸ್ ಪುರ, ಜಮ್ಮುದ 3 ಕಡೆಟ್ ಪಾಕಿಸ್ತಾನ ಡ್ರೋನ್ ದಾಳಿಗ್ ಪುನೆದ್ಂಡ್. ಅಂತಾರಾಷ್ಟ್ರೀಯ ಗಡುಟ್ ಪಾಕ್ರ್ದ್ ಫೈರಿಂಗ್ ನಡತೊಂದೇ ಉಂಡು. ಈ ಪೊರ್ತುಡು ಜಮ್ಮುಡೊರ್ಮೆ ವಾಯು ದಾಳಿ ಸೈರನ್ ಕೇನ್ದ್ಂಡ್.
ಜಮ್ಮು ವಿಮಾನ ಉಂತಡೆದ ಮಿತ್ತ್ ದಾಳಿ ಮಲ್ಪುನ ವಿಫಲ ಪುನೆಪು ಪಾಕ್ ಮಲ್ತಿತ್ತ್ದ್, ಎಸ್ -400 ಮಾತ ಪಾಕ್ ಡ್ರೋನ್ಲೆನ್ ಆಕ್ದ್ ಪಾಡ್ದ್ಂಡ್. ಪಾಕಿಸ್ತಾನರ್ದ್ ಬುಡ್ತಿನ ಮಿಸೈಲ್, ಡ್ರೋನ್ಲೆನ್ ಭಾರತೀಯ ಸೇನೆ ಪೊಡಿ ಮಲ್ದ್ಂಡ್. ಕುಡ ಪಾಕಿಸ್ತಾನೊದ ಒಂಜಿ ಎಫ್-16, ರಡ್ಡ್ ಜೆಎಫ್-17 ಫೈಟರ್ ಜೆಟ್ಲೆನ್ ತಾಲ್ತ್ದ್ಂಡ್.