Last updated on May 20th, 2025 at 12:56 pm
ಗುಂಡ್ಯ: ಕುಡ್ಲ-ಬೆಂಗಳೂರು ರಾಷ್ಟ್ರೀಯ ಪೆರ್ಸಾದಿಡ್ ಗುಂಡ್ಯಗ್ ಮುಟ್ಟಡ್ ಅಂಗಾರೆ ಕಾಂಡೆ ಕುಡುಮರ್ದ್ ಬೆಂಗಳೂರ್ಗ್ ಪೋವೊಂದಿತ್ತಿನ ಕೆಎಸ್ಆರ್ಟಿಸಿ ಬಸ್ ಬೊಕ್ಕ ಬೆಂಗಳೂರ್ರ್ದ್ ಒಡಿಪುಗು ಜ್ಯೂಸ್ ಕೊನೊವೊಂದಿತ್ತಿನ ಈಚರ್ ಲಾರಿ ಎದುರೆದುರು ಎಡ್ತೊಂಡಿನ ನಡಕೆ ನಡತ್ದ್ಂಡ್.
ಎಡ್ತೆರ್ದಾವರ ರಡ್ಡ್ ಗಾಡಿಲುಲ ಅಲಕ್ಕ ಞಕ್ಕೆ ಆದಿತ್ತ್ದ್, ದೇಬೆರೆ ದಯೆಟ್ ಏರೆಗ್ಲಾ ಮಲ್ಲ ಪೆಟ್ಟಾತಿಜಿ. ಈ ಎಡ್ತೆರ್ದಾವರ ಒಂತೆ ಪೊರ್ತು ಪೆರ್ಸಾದಿಡ ಟ್ರಾಫಿಕ್ ಜಾಮ್ ಉಂಡಾಂಡ್. ಅಪಗನೇ ಮುಟ್ಟದಕುಲು ಬೊಕ್ಕ ನೆಲ್ಯಾಡಿ ಔಟ್ಸ್ಟೇಷನ್ ಪೊಲೀಸೆರ್ ಜಾಗೆಗ್ ಬತ್ತ್ದ್ ಪರಿಸ್ಥಿತಿನ್ ಅಂಕೆಗ್ ಕನತ್ದೆರ್.
ಸೋದ್ಯ ಪನ್ಡ, ಉಂದುವೇ ಜಾಗೆಡ್ ಐತಾರ ಕುಡೊಂಜಿ ಎಡ್ತೆ ನಡತಿತ್ತ್ಂಡ್. ಅವೆಟ್ ಕೆಎಸ್ಆರ್ಟಿಸಿ ಬಸ್ ಬೊಕ್ಕ ಲಾರಿ ನಾಲ್ಕು ಮಂದಿ ಎಡ್ತೊಂದು ನಾಲ್ ಜನಕ್ ಗಡಿಕುಲಾದಿತ್ತ. ಸೂಮಾರ್ ರಡ್ಡ್ ಗಂಟೆ ರೋಡ್ ಅಲಕ್ಕ ಬಂದ್ ಆದಿತ್ತ್ಂಡ್.
ಈ ಸಾದಿಡ್ ದಿನೋಲ ಸಾರಗಟ್ಲೆ ಗಾಡಿಲು ಪೋಪ, ಕೆಎಸ್ಆರ್ಟಿಸಿ ಬಸ್ಲೆನ ಎಚ್ಚ ಎಡ್ತೆಲು ನಡತೊಂದುಪ್ಪುವ. ಎಚ್ಚಿನ ಕೆಎಸ್ಆರ್ಟಿಸಿ ಬಸ್ಸ್ಲೆಡಾ ಡ್ರೈವರ್ನಕುಲು ಕಾಂಟ್ರಾಕ್ಟ್ ಆಧಾರೊಡು ಬರ್ಪಿನೆರ್ದಾವರ, ಅಕುಲು ಮಾನದಂಡೊಲೆನ್ ಗೆನ್ಪಂದೆ ಗೋಸ್ಮರೀಡ್ ಗಾಡಿ ಬುಡ್ಪುನನೇ ಎಚ್ಚ. ಉಂದು ಎಡ್ತೆಲು ಎಚ್ಚ ಆಯೆರ ಒಂಜಿ ನೆವನ.