Last updated on May 8th, 2025 at 02:41 pm
ಬೊಲ್ತೇರ್: ಶಿರ್ಲಾಲ್ ಗ್ರಾಮೊದ ನಂದಗೋಕುಲ ಕಟ್ಟದಿಲ್ಲ್ ಪನ್ಪಿನಲ್ಪ ಅಪ್ರಾಪ್ತ ಪ್ರಾಯೊದ ಪೊಣ್ಣಗ್ ಲೈಂಗಿಕ ಕಿರುಕುಳ ಕೊರ್ದು ಬಂಜಿ ಬರ್ಪಾಯಿನ ನಡಕೆ ನಡತ್‌ದ್ಂಡ್.
ಆರೋಪಿ ಶಿರ್ಲಾಲ್ ಗ್ರಾಮೊದ ನಿವಾಸಿ ಸನತ್ (28) ಪನ್ದ್ ತೆರಿದ್ ಬೈದ್ಂಡ್. ಆರೋಪಿ ಸಂತ್ರಸ್ತೆದಿ ಪೊಣ್ಣನ ಅಮ್ಮೆರೆನ ಕಾರ್‌ಡ್ ಡ್ರೈವರ್ ಆದ್ ಬೆನೊಂದಿತ್ತ್‌ದ್, ಅಪಗಪಗ ಇಲ್ಲಡೆ ಬತ್ತಿನಾಯೆ ಎಡ್ಡೆಡ್ ಇಪ್ಪೆದೆ. ಕರಿನ ವರ್ಸ ಮೇ 22ತಾನಿ ಅಪ್ರಾಪ್ತ ಪೊಣ್ಣನ ಪುಟ್ಟಿನ ದಿನೊತ ಲೇಸ್‌ಗ್ ಬತ್ತಿನಾಯೆ ರಾತ್ರೆ ಇಲ್ಲಡೇ ಉಂತುದಿತ್ತೆ. ಈ ಪೊರ್ತುಡು ಪೊಣ್ಣಡ ಒತ್ತಾಯಪೂರ್ವಕವಾದ್ ಲೈಂಗಿಕ ಸಂಪರ್ಕ ಬುಲೆಪಾದೆ. ಆತೇ ಅತ್ತಂದೆ ಗಡೀ ಗಡಿ ಇಂಚ ಮಲ್ದಿನೆರ್ದಾವರ ಪೊಣ್ಣು ಬಂಜಿನಾಲ್ ಆತಲ್.
ಈ ಬಗೆಟ್ ಇಂಚಿಪ ಅಪ್ಪೆನೊಟ್ಟುಗು ಉಜಿರೆ ಪ್ರೈವೇಟ್ ಆಸ್ಪತ್ರೆಗ್ ಮರ್ದ್‌ಗ್ ಪೋನಗ ಬೈದ್ಯೆರ್ ಪರೀಕ್ಷೆ ಮಲ್ತ್‌ದ್ 3 ತಿಂಗೊಲ್ದ ಬಂಜಿನಾಲ್ ಪನ್ದ್ ತೆರಿಪಾದ್ ಬೊಲ್ತೇರ್ ಸರಕಾರಿ ಅಸ್ಪತ್ರೆಗ್ ಪೋಯೆರ ಪನ್ದಿತ್ತೆರ್. ಅಂಚಾದ್ ಆಲೆನ್ ಬೊಲ್ತೇರ್ ಸರಕಾರಿ ಅಸ್ಪತ್ರೆಗ್ ದಾಕಲ್ತ್‌ದೆರ್. ಪೊಣ್ಣು ಬರೆಪಾದಿನ ಒಯಿಲ್‌ದ ಪ್ರಕಾರ ಆರೋಪಿ ಸನತ್‌ನ ಮಿತ್ತ್ ವೇಣೂರು ಸ್ಟೇಶನ್‌ಡ್ ಪೋಕ್ಸೋ ಕಾಯ್ದೆದಡಿಟ್ ಪ್ರಕರಣ ದಾಕಲಾತ್ಂಡ್.