Last updated on May 15th, 2025 at 03:10 pm
ಐಪಿಎಲ್ 2025ತ ಬೆರಿಟೇ ಟೀಮ್ ಇಂಡಿಯಾ ಇಂಗ್ಲೆಂಡ್‌ದ ಎದುರು 5 ಗೊಬ್ಬುಲೆನ ಟೆಸ್ಟ್ ಗೊಬ್ಯೆರ ಉಂಡು. ಇಂಗ್ಲೆಂಡ್‌ಡ್ ನಡಪರೆಗುಪ್ಪುನ ಈ ಗೊಬ್ಬುದೊಟ್ಟುಗು ವಿಶ್ವ ಟೆಸ್ಟ್ ಚಾಂಪಿಯನ್ಶಿಪ್ 2027ತ ಸೀರೀಸ್ ಸುರು ಆಪುಂಡು. ಅಂಚಾದ್ ಈ ಸೀರೀಸ್ ರಡ್ಡ್ ಕೂಟೊಲೆಗ್ಲಾ ಬಾರೀ ಮಹತ್ವೊದ ಆದುಂಡು.
ಭಾರತ ಬೊಕ್ಕ ಇಂಗ್ಲೆಂಡ್ ನಡುತ ಟೆಸ್ಟ್ ಸೀರೀಸ್‌ಗ್ ಡೇಟ್ ಫಿಕ್ಸ್ ಆತ್ಂಡ್. ಜೂನ್ 20 ರ್ದ್ ಈ ಗೊಬ್ಬು ಸುರು ಆಪುಂಡು. ಆಂಡ ಈ ಸೀರೀಸ್‌ಡ್ ಟೀಮ್ ಇಂಡಿಯಾದ ಮಲ್ಲ ಕೈಕುಲು ವಿರಾಟ್ ಕೊಹ್ಲಿ, ರೋಹಿತ್ ಶರ್ಮಾ ಬೊಕ್ಕ ರವಿಚಂದ್ರನ್ ಅಶ್ವಿನ್ ಇಪ್ಪುಜೆರ್ ಪನ್ಪಿನ ವಿಶೇಷ.
ಈ ಮೂವೆರ್ ಗೊಬ್ಬುಗಾರೆರ್ ಟೆಸ್ಟ್ ಕ್ರಿಕೆಟ್‌ಗ್ ನಿವೃತ್ತಿ ಘೋಷಣೆ ಮಲ್ದೆರ್. ಇತ್ತೆ ಈ ಮೂವೆರ್ ಇಜ್ಜಂದೆ ಟೀಮ್ ಇಂಡಿಯಾ ಕಲೊಕು ಜತ್ತೊಂದುಂಡು. ಅವುಲಾ 5055 ದಿನೊರ್ದು ಬೊಕ್ಕ ಪನ್ಪಿನ ವಿಶೇಷ.
ಪನ್ಡ ರೋಹಿತ್ ಶರ್ಮಾ, ವಿರಾಟ್ ಕೊಹ್ಲಿ ಬೊಕ್ಕ ರವಿಚಂದ್ರನ್ ಅಶ್ವಿನ್ ಇಜ್ಜಂದೆ ಟೀಮ್ ಇಂಡಿಯಾ ಅಕೇರಿದ ಟೆಸ್ಟ್ ಗೊಬ್ಬುದುನ 2011 ಟ್. ಓವಲ್ ಮೈದಾನೊಡು ಆಗಸ್ಟ್ 18, 2011 ತಾನಿ ನಡತಿನ ಈ ಗೊಬ್ಬುಡು ರೋಹಿತ್, ವಿರಾಟ್ ಬೊಕ್ಕ ಅಶ್ವಿನ್ ಗೊಬ್ಬುದಿಜ್ಜಂಡ್.
ಇತ್ತೆ 14 ವರ್ಸ ಕರಿದ್, ಪನ್ಡ 2025 ಟ್ ಕುಡ ಟೀಮ್ ಇಂಡಿಯಾ ಮೂವೆರ್ ಮಲ್ಲ ಕೈಕುಲುದಾಂತೆ ಗೊಬ್ಯೆರೆ ಪಿದಡ್ದ್ಂಡ್.