Last updated on June 12th, 2025 at 11:42 am
ಜೂನ್ 12: ರಿಷಬ್ ಶೆಟ್ಟಿ ನಟನೆ ಮಲ್ತ್‌ದ್, ನಿರ್ದೇಶನ ಮಲ್ತೊಂದುಪ್ಪುನ ‘ಕಾಂತಾರ: ಚಾಪ್ಟರ್ 1’ ಸಿನಿಮಾ ಇತ್ತೆ ಬೊರ್ಚಂದಿನ ಸುದ್ದಿ ಮಲ್ತೊಂದುಂಡು. ಉಂದೆಕ್ ನೆವನ ಒರಿಯೊರಿಯೇ ಕಲಾವಿದೆರ್ ತೀರೊಂದುಪ್ಪುನು. ಸುರುಕು ಕೇರಳ ಮೂಲೊದ ಜೂನಿಯರ್ ಆರ್ಟಿಸ್ಟ್ ಒರಿ ತೀರ್ದಿತ್ತೆರ್. ಅವು ಆಯಿ ಬೊಕ್ಕ ಪಿಚ್ಚರ್‌ದ ಕಲಾವಿದೆ ರಾಕೇಶ್ ಪೂಜಾರಿ ತೀರ್ದಿತ್ತೆರ್. ಇತ್ತೆ ಸಿನಿಮಾದ ಕುಡೊರಿ ಜೂನಿಯರ್ ಕಲಾವಿದೆ ತೀರ್ದೆರ್. ಈ ಮುಕೇನ ಕಾಲಿ ರಡ್ಡ್ ತಿಂಗೊಲ್ದ ಉಲಯಿ ಪಿಚ್ಚರ್‌ದ ಮೂವೆರ್ ತೀರ್ದೆರ್.
ಕೇರಳದ ತ್ರಿಶೂರ್‌ದ ವಿಜು ವಿಕೆ ತೀರ್ದಿನಾರ್. ‘ಕಾಂತಾರ: ಚಾಪ್ಟರ್ 1’ ಸಿನಿಮಾ ಶೂಟ್‌ಗ್ ಆರ್ ಕರ್ನಾಟಕೊಗು ಬತ್ತಿತ್ತೆರ್. ಆಗುಂಬೆದ ಮುಟ್ಟಡ್ ಹೋಂ ಸ್ಟೇಡ್ ಇತ್ತೆರ್. ಜೂನ್ 11 ತಾನಿ ರಾತ್ರೆ ಆರೆಗ್ ತಿಗಲೆ ಬೇನೆ ತೋಜಿದ್ಂಡ್. ಅಪಗನೇ ಆರೆನ್ ತೀರ್ಥಹಳ್ಳಿದ ಆಸ್ಪತ್ರೆಗ್ ಲೆತೊಂದು ಪೋತೆರ್, ಆಈಡ ಆಸ್ಪತ್ರೆಗ್ ಪೋಪಿನ ಸಾದಿಡೇ ತೀರ್ದೆರ್. ಕೇರಳರ್ದ್ ಇಲ್ಲದಕುಲು ಬತ್ತಿ ಬೊಕ್ಕ ನನದ ಕಾರ್ಯ ನಡಪುಂಡು.