Last updated on June 10th, 2025 at 08:10 am
ಪುತ್ತೂರು, ಜೂನ್ 10: 9/11 ಅಕ್ರಮ-ಸಕ್ರಮೊಗು ಸಂಬಂಧಿತಿನ ಫೈಲ್ ಕ್ಲಿಯರ್ ಮಲ್ತಿನೆಕ್ ಪುತ್ತೂರು ಶಾಸಕೆ ಅಶೋಕ್ ರೈಕ್ಲೆಗ್ ಪೊಂಜೊವು ಒರ್ತಿ ಉಪ್ಪಡ್ ಸೇಜ ಕೊರ್ತೆರ್.
ಕೋಡಿಂಬಾಡಿ ಗ್ರಾಮೊದ ಶಾಂತಿನಗರೊದ ಚೈತ್ರಾ ರೈ ಉಪ್ಪಡ್ ಕೊರ್ತಿನಾರ್. ಚೈತ್ರಾ ರೈ ಮೇರ್ 9/11ಗ್ ಅರ್ಜಿ ಪಾಡ್ದಿತ್ತೆರ್. ಆಂಡ ಅರ್ಜಿ ಸ್ವೀಕಾರ ಆದಿಜ್ಜಂಡ್. ಅಂಚಾದ್ ಚೈತ್ರಾ ರೈ ಶಾಸಕೆ ಅಶೋಕ್ ರೈಕ್ಲೆಡ ಈ ಬಗೆಟ್ ಒಯಿಲ್ ಕೊರ್ದಿತ್ತೆರ್.
ಶಾಸಕೆ ಅಶೋಕ್ ರೈಕ್ಲೆಗ್ ತನನ್ ತಿಕ್ಕೆರೆ ಬರ್ಪುನ ಸಾರ್ವಜನಿಕೆರೆಗ್ ಚಿಕ್ಕಿ ಕೊರ್ಪುನ ಅಭ್ಯಾಸ ಉಂಡು. 9/11 ಅರ್ಜಿಗ್ ಸಂಬಂಧಿತ್‌ದ್ ಚೈತ್ರಾ ರೈ ಮೇರ್ ದೂರು ಕೊರ್ಯೆರೆ ಬತ್ತಿನ ಪೊರ್ತುಡು ಶಾಸಕೆರ್ ಪೊಂಜೊವುಗು ಚಿಕ್ಕಿದ ಖಾಲಿ ಆತಿನ ಕರಡಿಗೆ ಕೊರ್ದಿತ್ತೆರ್. ಇತ್ತೆ ಚೈತ್ರಾ ಅರ್ಜಿ ಸ್ವೀಕಾರ ಆತಿನೆರ್ದಾವರ ಕುಡ ಶಾಸಕೆರೆನಡೆ ಬತ್ತ್‌ದೆರ್. ಈ ಸರ್ತಿ ಬನ್ನಗ, ಶಾಸಕೆರ್ ಕೊರ್ದಿತ್ತಿನ ಖಾಲಿ ಕರಡಿಗೆಗ್ ಉಪ್ಪಡ್ ದಿಂಜಾವೊಂದು ಬತ್ತಿತ್ತ್‌ದ್, ಶಾಸಕೆರೆಗ್ ಗಿಪ್ಟ್ ಕೊರ್ತೆರ್.