Last updated on June 29th, 2025 at 09:58 am
ಕುಡ್ಲ, ಜೂ. 29: ಉರ್ವಾ ಪೊಲೀಸ್ ಸ್ಟೇಶನ್ ಸೀಮೆದ ಕೆಎಸ್ಆರ್ಟಿಸಿ ಬಸ್ ಉಂತಡೆದ ಕೈತಲ್ ಬೇಲೆ ಆವೊಂದುಪ್ಪುನ ಕಮರ್ಷಿಯಲ್ ಕಟ್ವಾನೊದ ನೆಲಮಾಳಿಗೆಡ್ ಸುಮಾರ್ 35 ರ್ದ್ 40 ವರ್ಸ ಪ್ರಾಯೊದ ಗುರ್ತದಾಂತಿನ ಆಂಜೊವುನ ಪುನ ತಿಕ್ಕ್ದ್ಂಡ್.
ಜೂನ್ 28ದಾನಿ ಬೇಲೆದಾಯೆ ಒರಿ ಕಟ್ವಾನೊಗು ನೀರ್ ಬರಂದಿನ ಸಮಸ್ಯೆನ್ ಪರಿಶೀಲಿಪೆರ ಪೋದಿಪ್ಪುನಗ ಪುನನ್ ತೂತೆ. ನೆಲಮಾಳಿಗೆಡ್ ನೀರ್ ದಿಂಜಿದಿತ್ತ್ಂಡ್. ಪುನ ಸುಮಾರ್ ಮೂಜಿ ಫೀಟ್ ನೀರ್ಡ್ ಪಾಂಬೊಂದಿತ್ತ್ದ್, ಕುರಿನ ಸ್ಥಿತಿಟ್ ಇತ್ತ್ಂಡ್ಗೆ.
ಸಂದಾದಿನ ವರದಿದ ಆಧಾರೊಡು, ಉರ್ವಾ ಪೋಲೀಸ್ ಸ್ಟೇಷನ್ಡ್ ಅಪರಾಧ ಸಂಖ್ಯೆ 57/2025 ಟ್ ಭಾರತೀಯ ನ್ಯಾಯ ಸಂಹಿತೆ (ಬಿಎನ್ಎಸ್), 2023 ತ ಸೆಕ್ಷನ್ 103(1) ತ ಅಡಿಟ್ ಕೊಲೆ ಪ್ರಕರಣ ದಾಕಲ್ತೊಂದೆರ್. ತೀರ್ದಿನಾರೆನ ಗುರ್ತ ಬೊಕ್ಕ ಸಯ್ಯೆರ ನೆವನ ನಾಡ್ಪತ್ತೆರ ಜಡ್ತೆ ನಡತೊಂದುಂಡು.