Last updated on June 18th, 2025 at 02:22 pm
ಕುಡ್ಲದ ಡಿಸಿ ಆದ್, ಪಿದಯಿರ್ದ್ ಬತ್ತ್ಂಡಲಾ ತನ್ಕ್ ಆಪಿನಾತ್ ತುಳು ಕಲ್ಪರೆ ಪುನೆಪು ಬತ್ತ್, ಎಲ್ಯ ಮಟ್ಟ್ ಡ್ ತುಳು ಪಾತೆರೊಂದುಲಾ ತುಳುವೆರೇ ಆದ್ ಪೋದಿತ್ತಿನ ಕುಡ್ಲದ ಡಿಸಿ ಮುಲ್ಲೈ ಮುಗಿಲನ್ ಮೆರೆಗ್ ಕೋಡೆ ವರ್ಗಾವಣೆ ಆತ್ಂಡ್.
ಜನಕುಲೆನ ಸಹಕಾರೊಡು ಪಾಕ ಬೇಲೆಲೆನ್ ಮಲ್ಪರೆ ಆಂಡ್, ಕುಡ್ಲ ಬಾರೀ ಪೊರ್ಲುದ ಊರು, ಕುಡ್ಲನ್ ಯಾನ್ ಮಸ್ತ್ ಮಿಸ್ ಮಲ್ತೊನ್ವೆ. ಗೋಲಿಬಜೆ ಪನ್ಡ ಎಂಕ್ ಮಸ್ತ್ ಇಷ್ಟ. ಕುಡ್ಲದ ಸಂಸ್ಕೃತಿಯೇ ಕುಡ್ಲದ ಮಲ್ಲ ಆಸ್ತಿ. ಕರಾವಳಿ ಉತ್ಸವ ಕುಡ ಪಿರ ಸುರು ಮಲ್ತ, ಎನ್ನ ಅವಧಿಡೇ ಪೊಸ ಡಿಸಿ ಆಫೀಸ್ ಲಾ ಉದಿಪನ ಆಂಡ್, ಕುಡ್ಲ ಆಸ್ಪತ್ರೆದ ಬೇಲೆಲು ಆಂಡ್ ಇಂಚ ಮಸ್ತ್ ಬೇಲೆಲೆನ್ ಮಲ್ತಿನ ತೃಪ್ತಿ ಉಂಡು. ಜೋಕುಲೆಗ್ ಬಂಗ ಆವರೆ ಬಲ್ಲಿ, ದಾಲಾ ಎಚ್ಚಿ ಕಮ್ಮಿ ಆವರೆ ಬಲ್ಲಿ ಪನ್ದ್ ಜೋಕುಲೆಗ್ ರಜೆ ಕೊರೊಂದಿತ್ತೆ ಪನ್ದ್ ಪನ್ಡೆರ್.