Last updated on June 18th, 2025 at 03:46 pm
ಬೆರ್ಮಾವರ, ಜೂನ್ 18 : ಪ್ರೈವೇಟ್ ಶಾಲೆದ ಬಸ್ಸ್ಗ್ ಲಾರಿ ಎಡ್ತ್ದ್ ಜೋಕುಲೆಗ್ ಗಡಿಕುಲಾತಿನ ನಡಕೆ ಒಡಿಪು ಜಿಲ್ಲೆದ ಬೆರ್ಮಾವರಡ್ ನಡತ್ದ್ಂಡ್. ನಡಕೆಡ್ ಕೆಲ ಜೋಕುಲೆಗ್ ಗಡಿಕುಲಾದಿತ್ತ್ದ್, ಆಸ್ಪತ್ರೆಗ್ ದಾಕಲ್ತ್ದೆರ್.
ಬೆರ್ಮಾವರದ ಧರ್ಮಾವರ ಆಡಿಟೋರಿಯಂ ಸರ್ಕಲ್ದ ಕೈತಲ್ ಈ ನಡಕೆ ನಡತ್ದ್ಂಡ್. ಬ್ರಹ್ಮಾವರ ಜಿಎಂ ವಿದ್ಯಾನಿಕೇತನ ಇಂಗ್ಲಿಷ್ ಮೀಡಿಯಂ ಶಾಲೆಗ್ (G M Vidyaniketan Public School ) ಸೇರ್ದಿನ ಬಸ್ಸ್, ಜೋಕುಲೆನ್ ಲೆತೊಂದು ಕುಂದಾಪುರರ್ದ್ ಬೆರ್ಮಾವರದಂಚಿ ಬರೊಂದಿತ್ತ್ಂಡ್.
ಬೆರ್ಮಾವರದ ಆಕಾಶವಾಣಿ ಮುಟ್ಟದ ಧರ್ಮಾವರ ಆಡಿಟೋರಿಯಂದ ಎದುರು ಸರ್ಕಲ್ಡ್ ಬಸ್ ಯೂಟರ್ನ್ ಗೆತೊನುನಗ ಪಿರವುರ್ದ್ ಬತ್ತಿನ ಈಚರ್ ಲಾರಿ ಬಸ್ಸ್ಗ್ ಎಡ್ತ್ದ್ಂಡ್. ಎಡ್ತೆಡ್ ಒಂತೆ ಜೋಕುಲೆಗ್ ಗಡಿಕುಲಾತ.
ಅಪಗನೇ ಗಡಿಕುಲಾತಿನ ಜೋಕುಲೆನ್ ಆಸ್ಪತ್ರೆಗ್ ದಾಕಲ್ತ್ದೆರ್. ಮಾತಾ ಜೋಕುಲ್ಲಾ ಪಡಾಯಿದಾಂತೆ ಬಚಾವಾತೆರ್. ಶಾಲೆದ ಬಸ್ದ ಡ್ರೈವರ್ನ ಗೋಸ್ಮರಿಡೇ ಈ ನಡಕೆ ನಡತ್ದ್ಂಡ್ ಪನ್ದ್ ತೆರಿದ್ ಬೈದ್ಂಡ್. ಈ ಬಗೆಟ್ ಬೆರ್ಮಾವರ ಪೊಲೀಸ್ ಸ್ಟೇಶನ್ಡ್ ಪ್ರಕರಣ ದಾಕಲಾತ್ಂಡ್.