Last updated on June 3rd, 2025 at 10:57 pm
ಅಹ್ಮದಾಬಾದ್, ಜೂನ್ 03: ಅಹ್ಮದಾಬಾದ್ದ ನರೇಂದ್ರ ಮೋದಿ ಸ್ಟೇಡಿಯಂಡ್ ಆರ್ಸಿಬಿ ಬೊಕ್ಕ ಪಂಜಾಬ್ದ ನಡುಟು ನಡತಿನ 18 ನೇ ವರ್ಸೊದ ಐಪಿಎಲ್ ಫೈನಲ್ ಗೊಬ್ಬುಡು ಆರ್ಸಿಬಿ 6 ರನ್ಡ್ ಗೆಂದ್ದ್ ಕಡೀರ ಸರ್ತಿ ಐಪಿಎಲ್ ಕಪ್ ದೆರ್ತ್ದ್ಂಡ್. ಈ ಮುಕೇನ ತನ್ನ 18 ವರ್ಸೊದ ತೊಡು ತೆಕ್ಕಾದ್ಂಡ್.
ಟಾಸ್ ಗೆಂದಿನ ಪಂಜಾಬ್ ಸುರುಕು ಬೌಲಿಂಗ್ ಮನ್ಪೆರ ಪಿದಡ್ಂಡ್. ಬ್ಯಾಟಿಂಗ್ಗ್ ಜತ್ತಿನ ಆರ್ಸಿಬಿ 20 ಓವರ್ಡ್ 9 ವಿಕೆಟ್ ಕಲೆಯೊಂದು 190 ರನ್ ಮಲ್ತ್ಂಡ್. ಆರ್ಸಿಬಿದ ಪರವಾದ್ ವಿರಾಟ್ ಕೊಹ್ಲಿ 43(35), ರಜತ್ ಪಟಿದಾರ್ 26(16), ಲಿಯಾಮ್ ಲಿವಿಂಗ್ಸ್ಟನ್ 25(15), ಜಿತೇಶ್ ಶರ್ಮಾ 24(10), ಮಯಾಂಕ್ ಅಗರ್ವಾಲ್ 24(18), ರೊಮೇರೀಯೋ ಶೆಪರ್ಡ್17(9), ಫಿಲ್ ಸಾಲ್ಟ್ 16(9) ರನ್ ಮಲ್ತೆರ್.
ಪಂಜಾಬ್ದ ಪರವಾದ್ ಅರ್ಷ್ದೀಪ್ ಸಿಂಗ್ ಬೊಕ್ಕ ಕೇಲ್ ಜೆಮಿಸನ್ 3 3 ವಿಕೆಟ್ ಗೆತೊಂಡೆರ್ನ್ಡ, ಒಮರ್ಜಾಯಿ, ವಿಜಯ್ ಕುಮಾರ್ ಬೊಕ್ಕ ಚಹಲ್ ಒಂಜೊಂಜಿ ವಿಕೆಟ್ ಗೆತೊಂಡೆರ್.
190 ರನ್ಬೆರಿ ಪತ್ತೆರೆ ಜತ್ತಿನ ಪಂಜಾಬ್ಗ್ ಎಡ್ಡೆ ಸ್ಟಾರ್ಟ್ ತಿಕ್ಕ್ಂಡಲಾ ಅವೆನ್ ಮಲ್ಲ ಸ್ಕೋರ್ಗ್ ತಿರ್ಗಾವರೆ ಆಯಿಜಿ. ಶಶಾಂಕ್ ಸಿಂಗ್ ಕಡೆ ಮುಟ್ಟ ಗೆಲ್ಮೆದ ಕರೆಕ್ ಒಯ್ಪೆರ ಪುನೆಯೆರ್. ಪಂಜಾಬ್ದ ಪರವಾದ್ ಪ್ರಿಯಾಂಶ್ ಆರ್ಯ 24(19), ಪ್ರಭ್ಸಿಮ್ರನ್ ಸಿಂಗ್ 26(22), ಜೋಶ್ ಇಂಗ್ಲಿಸ್ 39(23), ಶ್ರೇಯಸ್ ಅಯ್ಯರ್ 1(2), ನೇಹಲ್ ವಧೇರಾ 15(18), ಶಶಾಂಕ್ ಸಿಂಗ್ 61(30) ಅಂಚೆನೇ ಒರಿನ ಬ್ಯಾಟ್ಸ್ಮನ್ನಕಲೆನ ಸಕಾಯೊಡು 184 ರನ್ ಮಾತ್ರ ಮಲ್ಪರೆಗಾಂಡ್.
ಆರ್ಸಿಬಿದ ಪರವಾದ್ ಭುವನೇಶ್ವರ್ ಕುಮಾರ್ ಬೊಕ್ಕ ಕೃಣಾಲ್ ಪಾಂಡ್ಯೆ 2 20ವಿಕೆಟ್, ಯಶ್ ದಯಾಲ್, ಜೋಶ್ ಹೆಜಲ್ವುಡ್, ರೊಮೇರಿಯೋ ಶೆಪರ್ಡ್ ವಿಕೆಟ್ ಗೆತೊಂಡೆರ್.