Last updated on June 3rd, 2025 at 03:39 pm
ಕುಡ್ಲ ಮೇ 03: ಬಿಯರ್ ಮಲ್ಪುನ ಕಂಪೆನಿ ಯುನೈಟೆಡ್ ಬ್ರೂವರೀಸ್ ಲಿಮಿಟೆಡ್, ಜೂನ್ 30, 2025 ರ್ದ್ ಜಾರಿಗ್ ಬರ್ಪಿಲೆಕ ಕುಡ್ಲದ ಬ್ರೂವರಿ ಘಟಕೊಡು ಕಾರ್ಯಾಚರಣೆನ್ ಉಂತಾವರೆಗುಂಡು.
ಬೈಕಂಪಾಡಿ ಇಂಡಸ್ಟ್ರಿಯಲ್ ಏರಿಯಾಡ್ ಇಪ್ಪುನ ತನ್ನ ಪ್ಲ್ಯಾಂಟ್ ನ್ ಅಲಕ್ಕ ಮುಚ್ಚೆರೆ ಕಂಪೆನಿ ನಿರ್ಧಾರ ಮಲ್ದ್ಂಡ್. ಜೂನ್ 30 ರ್ದ್ ಪ್ಲ್ಯಾಂಟ್ ತನ್ನ ಕಾರ್ಯಾಚರಣೆನ್ ಉಂತಾವುಂಡು ಪನ್ದ್ ಕಂಪೆನಿ ಸೆಬಿಗ್ ಕೊರ್ತಿನ ಒಲವುಡು ತೆರಿಪಾದ್ಂಡ್.
ಕಂಪೆನಿ ತನ್ನ ಮೈಸೂರ್‌ದ ಘಟಕೊನು ವಿಸ್ತರಿಪುನ ಅಟ್ಟನೆಡ್ ಇಪ್ಪುನೆರ್ದಾವರ ಈ ಕ್ರಮ ಗೆತೊಂದುಂಡು ಪನ್ದ್ ತೆರಿಪಾದ್ಂಡ್. ಕರ್ನಾಟಕದ ಉಲಯಿ ಎಫಿಷಿಯೆಂಟ್ ಆಪರೇಶನ್‌ದ ಮುಕೇನ ನನದ ಡಿಮಾಂಡ್‌ಗ್ ಬೋಡಾಪಿನಾತ್ ಸಪ್ಲೈ ಮಲ್ಪುನ ಉದ್ದೇಶೊಡು ಈ ಎಕ್ಸ್‌ಪಾಂಶನ್ ಮಲ್ತ್‌ದ. ಕುಡ್ಲ ಘಟಕ ಮುಚ್ಚಿನೆಟ್ ಕರ್ನಾಟಕೊಡು ಎಂಕ್ಲೆನ ವೈವಾಟ್‌ಗ್ ದಾಲ ಎಚ್ಚಿಕಮ್ಮಿ ಆಪುಜಿ” ಪನ್ದ್ ಕಂಪೆನಿ ಪನ್ತ್‌ನ್ಡ್.