Last updated on June 21st, 2025 at 02:58 pm
ಕುಡ್ಲ, ಜೂನ್ 21: ಏರೇರೆನ ಪಾತೆರ ಕೇನೊಂದು ಗ್ರಾಮಸಭೆಟ್ ತುಳು ಗಲಸಂದಿ ಲೆಕ ಕ್ರಮ ಗೆತೊನರೆ ಸುತ್ತೋಲೆ ಪಿದಡ್ಪದಿತ್ತಿನ ದ.ಕ. ಜಿಲ್ಲಾ ಪಂಚಾಯತ್ ಇತ್ತೆ ತನ್ನ ಸುತ್ತೋಲೆನ್ ಪಿರ ಗೆತೊಂದುಂಡು.
ಕೋಡೆ ವೈರಲ್ ಆತಿನ ಸುತ್ತೋಲೆದ ಪ್ರತಿ ತೂದು ಪಿಸ್ರ್ಡ್ ಕೆಂಪುರಟ್ಟೊಂದಿತ್ತಿನ ತುಳುವೆರ್ ಇನಿ ತುಳು ಪೊರ್ಮ್ಬಾಟಗಾರೆ ರೋಶನ್ ರೆನಾಲ್ಡ್ ಮೆರೆನ ಮುತಾಲಿಕೆಡ್ ಜಿಲ್ಲಾ ಪಂಚಾಯತ್ಗ್ ಪೋದು ಅಲ್ಪದ ಅಧಿಕಾರಿಲೆಗ್ ಇತ್ತಿ ವಿಷಯ ತೆರಿಪಾದ್, ಅಕ್ಲೆನ ತಪ್ಪುನ್ ತೋಜಾದ್, ತುಳುನಾಡ್ಡ್ ತುಳುಭಾಷೆಗ್ ಜಿಲ್ಲಾ ಪಂಚಾಯತ್ ಮಲ್ತೊಂದುಪ್ಪುನ ಅನ್ಯಾಯೊನು ಅರ್ಥ ಮಲ್ಪಾದ್ ಆದೇಶೊನು ಪಿರಗೆತೊನ್ಪಾವುನೆಟ್ ಯಶಸ್ವಿ ಆತೆರ್.
ಈ ಪೊರ್ತುಡು ತುಳು ಅಕಾಡೆಮಿದ ಮಾಜಿ ಗುರ್ಕಾರ್ಲು ದಯಾನಂದ ಕತ್ತಲ್ಸಾರ್, ಕುಡ್ಲದ ಮಾಜಿ ಮೇಯರ್ ಮನೋಜ್ ಕುಮಾರ್, ತುಳುಪರ ಪೊರ್ಮ್ಬಾಟಗಾರೆರ್ ಪೃಥ್ವಿ ತುಳುವೆ, ಭರತ್ ಬಲ್ಲಾಳ್ಬಾಗ್, ಉದಯ್ ಪೂಂಜಾ, ಕಿರಣ್ ತುಳುವೆ, ವಿಜೆ ಮಧುರಾಜ್, ಗೀತಾ ಲಕ್ಷ್ಮೀಶ, ಮನೀಶ್, ಚೇತನ್, ರಾಜಶ್ರೀ ಚಂದ್ರಶೇಖರ್, ಶರತ್ರಾಜ್ ಇಂಚ ಪಾಕಜನ ತುಳುಪರ ಪೊರ್ಮ್ಬಾಟಗಾರೆರ್ ಒತ್ತುಪಾಲಿತ್ತೆರ್.