Last updated on June 21st, 2025 at 11:22 am
ಸುಬ್ರಹ್ಮಣ್ಯ, ಜೂನ್ 21: ಸಕಲೇಶಪುರರ್ದ್ ಸುಬ್ರಹ್ಮಣ್ಯ ರೋಡ್ ರೈಲ್ವೆ ಉಂತಡೆದ ನಡುಟು ತಿಕ್ಕುನ ಎಡಕುಮಾರಿ-ಸಿರಿಬಾಕಿಲ್ ನಡುಟು ಗುಡ್ಡೆ ಜರಿದ್ ನೇಲ್ಯ ನೇಲ್ಯ ಕಲ್ಲ್ದ ಒಟ್ಟುಗು ಮಣ್ಣ್ ರೈಲ್ವೆ ಪಟ್ಟೆದ ಮಿತ್ತ್ ಬೂರ್ದಿನೆರ್ದಾವರ ರೈಲ್ ಸಂಚಾರೊದ ಪೊರ್ತುಡು ಅಂಚಿಂಚಿ ಆತ್ಂಡ್.
ರೈಲ್ ನಂಬರ್ 16511 ಕೆಎಸ್ಆರ್ ಬೆಂಗಳೂರ್-ಕಣ್ಣೂರ್ ಎಕ್ಸ್ಪ್ರೆಸ್ ಕಡಗರವಳ್ಳಿಗ್ ಕಾಂಡೆ 3:40ಕಗ್ ಬತ್ತಿತ್ತ್ದ್, ಕಡೆಸ್ಸ್ದ್ ಪಿದಡರೆಗುಂಡು. ಅಂಚೆನೇ ರೈಲ್ ನಂಬರ್ 16585 SMVT ಬೆಂಗಳೂರ್-ಮುರುಡೇಶ್ವರ ಎಕ್ಸ್ಪ್ರೆಸ್ ಸಕಲೇಶಪುರಗ್ ಕಾಂಡೆ 3:10ಕ್ಕ್, ರೈಲ್ ನಂಬರ್ 07377 ವಿಜಯಪುರ-ಕುಡ್ಲ ಸೆಂಟ್ರಲ್ ಎಕ್ಸ್ಪ್ರೆಸ್ ವಿಶೇಷ ರೈಲ್ ಸಕಲೇಶಪುರಗ್ ಕಾಂಡೆ 6.26ಕ್ ಬತ್ತ್ದಿತ್ತ್ದ್, ಮಾತಲಾ ಕಡೆಸ್ಸ್ದ್ ಪಿದಡುವ.
ಅಂಚಾದ್ ರೈಲ್ಡುಪ್ಪುನ ಪ್ರಯಾಣಿಕೆರೆಗ್ ಪರ್ಪಿನ ನೀರ್, ಬಿಸ್ಕೆಟ್, ಉಪಹಾರ ಬೊಕ್ಕ ಚಾದ ವ್ಯವಸ್ಥೆ ಮಲ್ದ್ಂಡ್ ಪನ್ದ್ ಇಲಾಖೆ ಪ್ರಕಟಣೆಡ್ ತೆರಿಪಾದ್ಂಡ್.