Last updated on June 21st, 2025 at 07:13 am
ಜೂನ್, 21: ವಿವಿ ರಿಚರ್ಡ್ಸ್, ಸುನಿಲ್ ಗವಾಸ್ಕರ್, ಸಚಿನ್ ತೆಂಡೂಲ್ಕರ್, ರಾಹುಲ್ ದ್ರಾವಿಡ್, ಜಾಕ್ಸ್ ಕಾಲೀಸ್, ಕುಮಾರ್ ಸಂಗಕ್ಕರ, ವಿರಾಟ್ ಕೊಹ್ಲಿ, ಎಬಿ ಡಿವಿಲಿಯರ್ಸ್ ಇಂಚ ಕ್ರಿಕೆಟ್ ಲೋಕೊದ ಲೆಜೆಂಡ್ ಬ್ಯಾಟ್ಸ್ಮನ್ನಕುಲು ಮಲ್ಪೆರಾವಂದಿನ ಮಲ್ಲ ದಾಖಲೆನ್ ಯಶಸ್ವಿ ಜೈಸ್ವಾಲ್ ಮಲ್ತ್ದೆರ್. ಲೀಡ್ಸ್ಡ್ ಆ್ಯಂಡರ್ಸನ್-ತೆಂಡೂಲ್ಕರ್ ಟ್ರೋಫಿಡ್ ಇಂಗ್ಲೆಂಡ್ದ ಎದುರು ತನ್ನ ಟೆಸ್ಟ್ ಜೀವನೊದ ಐನನೇ ಸೆಂಚುರಿ ಆಕ್ದ್ ಈ ಅಪರೂಪದ ದಾಖಲೆ ಮಲ್ತ್ದೆರ್.
158 ಬಾಲ್ಡ್ 101 ರನ್ ಮಲ್ದಿನ ಯಶಸ್ವಿ ಜೈಸ್ವಾಲ್ ಇಂಗ್ಲೆಂಡ್ದ ಎದುರು ತಾನ್ ಗೊಬ್ಬಿನ ಕಡೀರ ಟೆಸ್ಟ್ ಗೊಬ್ಬುಡೇ ಸೆಂಚುರಿ ಆಕ್ದೆರ್. ಉಂದೆಕ್ ದುಂಬು ಆಸ್ಟ್ರೇಲಿಯಾ ಬೊಕ್ಕ ವೆಸ್ಟ್ ಇಂಡೀಸ್ದ ಒಟ್ಟುಗು ಸುರೂತ ಗೊಬ್ಬುಡೇ ಸೆಂಚುರಿ ಆಕ್ದೆರ್.
ಇಂಚ ಮೂಜಿ ಕ್ರಿಕೆಟ್ ಟೀಮ್ಲೆನ ಎದುರು ತನ್ನ ಕಡೀರ ಟೆಸ್ಟ್ ಇನ್ನಿಂಗ್ಸ್ಡೇ ಸೆಂಚುರಿ ಇದಮುಟ್ಟ ಏರ್ಲಾ ಮಲ್ದಿಜೆರ್. ಈ ದಾಖಲೆ ಮಲ್ದಿನ ಕಡೀರ ಕ್ರಿಕೆಟರ್ ಯಶಸ್ವಿ ಜೈಸ್ವಾಲ್.
ಕುಡೊಂಜಿ ಲೆಕ್ಕಾಚಾರೊದ ಪ್ರಕಾರ, ಯಶಸ್ವಿ ಜೈಸ್ವಾಲ್ ಶತಕ ಆಕ್ದಿನ ಮ್ಯಾಚ್ ಭಾರತ ಒರಲ ಸೋತ್ದಿಜಿ.