Last updated on July 1st, 2025 at 03:14 pm
ಪೆಜಮಾಡಿ, ಜು. 01: ಪೆಜಮಾಡಿ ಟೋಲ್ ಪ್ಲಾಜಾದ ಕೈತಲ್ ಉಂತಾದಿನ ಲಾರಿಗ್ ಪಿರವುರ್ದ್ ಇನ್ನೋವಾ ಕಾರ್ ಎಡ್ತಿನೆರ್ದಾವರ ಕಾರ್ಡ್ ಇತ್ತಿನ ಇರ್ವೆರೆಗ್ ಗಡಿಕುಲಾತಿನ ನಡಕೆ ಇನಿ ಪುಲ್ಯ ನಾಲ್ ಗಂಟೆದ ಅಂದಾಜಿಗ್ ನಡತ್ದ್ಂಡ್.
ಕೋಡಿಕೆರೆ ನಿವಾಸಿ ಲೋಕೇಶ್ (43) ಬೊಕ್ಕ ಕುಳಾಯಿ ನಿವಾಸಿ ವಿರಾಜ್ (29) ಗಡಿಕುಲಾತಿನಕುಲು. ಮೊಕುಲು ಒಂಜಿ ಲೇಸ್ಗ್ ಪೋದು ಕಾಂಡೆ ಪಿರ ಬನ್ನಗ, ಈ ನಡಕೆ ನಡತ್ದ್ಂಡ್. ಮರತ ಕುಂಟೆಲೆನ್ ದಿಂಜಾದಿತ್ತಿನ ಲಾರಿನ್ ಪೆಜಮಾಡಿ ಟೋಲ್ ಗೇಟ್ದ ಚೂರೇ ಚೂರು ಮೀಟರ್ದಾತ್ ಅಂತರೊಡು ಪಾರ್ಕ್ ಮಲ್ತಿತ್ತೆರ್. ಉಂದೆನ್ ತೂವಂದೆ ಕಾರ್ ಡ್ರೈವರ್ ಪಿರವುರ್ದ್ ಎಡ್ತ್ದೆ. ಎಡ್ತೆದ ಬರಸ್ಗ್ ಕಾರ್ ಞಕ್ಕೆ ಆತ್ಂಡ್. ಕಾರ್ಡ್ ತಿಕಲೊಂದಿತ್ತಿನ ವಿರಾಜ್ನ್ ಮುಟ್ಟಡ್ ಇತ್ತಿನಕುಲು ಬೊಕ್ಕ ಟೋಲ್ ಸಿಬ್ಬಂದಿ ಪಿದಯಿ ದೆತ್ತ್ದೆರ್.
ಗಡಿಕುಲಾತಿನ ಇರ್ವೆರೆನ್ಲಾ ಕುಡ್ಲದ ಎಜೆ ಆಸ್ಪತ್ರೆಗ್ ದಾಕಲ್ತ್ದೆರ್. ಜಾಗೆಗ್ ಪಡ್ಡೆದ್ರ ಪೊಲೀಸೆರ್ ಬತ್ತ್ದ್, ಜಡ್ತೆ ಮಲ್ತ್ದೆರ್.