Last updated on July 18th, 2025 at 12:20 pm
ಒಡಿಪು, ಜು.18: ಜಪಾನ್ದ ಹಿಮೇಜಿಡ್ ಜುಲೈ 5ರ್ದ್ 13 ಮುಟ್ಟ ನಡತಿನ ಏಷಿಯಾ-ಆಫ್ರಿಕಾ-ಪೆಸಿಫಿಕ್ ಪವರ್ ಲಿಫ್ಟಿಂಗ್ & ಬೆಂಚ್ ಪ್ರೆಸ್ ಚಾಂಪಿಯನ್ಶಿಪ್ 2025 ಡ್ ಡೆಡ್ ಲಿಫ್ಟ್ ಪಂತೊಡು ಒಡಿಪುದ 47 ವರ್ಸ ಪ್ರಾಯೊದ ಗುಲ್ಶನ್ ಕಾಝಿ ಬಂಗಾರ್ದ ಪದಕ ಗೆಂದುನೆತ ಒಟ್ಟುಗು ಬೇತೆ ಬೇತೆ ಏಷಿಯನ್ ರೆಕಾರ್ಡ್ಲೆನ್ ಪೊಲ್ತ್ದ್ ತುಳುನಾಡ್ಗ್ ಅಂಚೆನೇ ನಮ್ಮ ಭಾರತ ದೇಶೊಗು ಪೆರ್ಮೆ ಕನತ್ದೆರ್.
84kg M1 ವಿಭಾಗೊಡು ಡೆಡ್ಲಿಫ್ಟ್ ಪಂತೊಡು ತನ್ನನೇ ದುಂಬುದ 195.5kg ದ ಏಷಿಯಾ ದಾಕಲೆನ್ ಆಕ್ದ್ 208kg ಡೆಡ್ಲಿಫ್ಟ್ ಮಲ್ತ್ದ್ ಪೊಸ ಏಷಿಯನ್ ರೆಕಾರ್ಡ್ ಮಲ್ತ್ದೆರ್.
208kg ಡ್ ಮನಸ್ ದಿಂಜಂದಿನ ತಂಕೊದ ಪೊಣ್ಣುಮಗಲ್ 219kg ದ ಡೆಡ್ಲಿಫ್ಟ್ಗ್ ಜತ್ತಿತ್ತೆರ್, ಆಂಡ ಕೆಲ ನೆವನೊಲೆರ್ದಾವರ ಆಯಿಜಿ.
ಗುಲ್ಶನ್ ಕಾಝಿ ಏಷಿಯನ್ ರೆಕಾರ್ಡ್ದ ಒಟ್ಟುಗು ಸ್ಕ್ವಾಟ್ ಡ್ ಬಂಗಾರ್ ಗೆಂದ್ದೆರ್, ಬೆಂಚ್ ಪ್ರೆಸ್ಡ್ ಬೊಲ್ಲಿ ಅಂಚೆನೇ ಇತ್ತೆ ಏಷಿಯನ್ ರೆಕಾರ್ಡ್ದ ಒಟ್ಟುಗು ಡೆಡ್ ಲಿಫ್ಟ್ಡ್ ಬಂಗಾರ್ ಗೆಂದ್ದ್ ತನ್ನ ಸಾದಗೊನು ಲೋಕೊಗು ತೋಜಾದೆರ್.
ನಮ್ಮ ತುಳುನಾಡ ತಂಕೊದ ಪೊಣ್ಣುಮಗಲ್ ಗುಲ್ಶನ್ಗ್ ಎಡ್ಡೆಪು ಬಯಕ್ಗ.