Last updated on July 18th, 2025 at 11:36 am
ಮಣಿಪಾಲ, ಜು. 18: ಅಪಾರ್ಟ್ಮೆಂಟ್ ಒಂಜೆಟ್ ವೇಶ್ಯಾವಾಟಿಕೆ ಮಲ್ತೊಂದಿತ್ತಿನ ಆರೋಪಡ್ ಅವ್ವೇ ಅಪಾರ್ಟ್ಮೆಂಟ್ದ ಸೆಕ್ಯೂರಿಟಿ ಗಾರ್ಡ್ನ್ ಮಣಿಪಾಲ ಪೊಲೀಸೆರ್ ಅರೆಸ್ಟ್ ಮಲ್ತ್ದೆರ್.
ಕೈದಾತಿನಾಯನ್ ಹೊನ್ನಾವರ ತಾಲೂಕು ಜಲವಳ್ಳಿ ಗ್ರಾಮೊದ ಗಣೇಶ್ ಗಣಪ ನಾಯ್ಕ್ (38) ಪನ್ದ್ ಗುರ್ತ ಪತ್ತ್ದೆರ್. ಹೆರ್ಗ ಗ್ರಾಮೊದ ಈಶ್ವರನಗರೊದ ಅಪಾರ್ಟ್ಮೆಂಟ್ದ ಒಂಜಿ ಇಲ್ಲಡ್ ಪೊಂಜೊವು ಒರ್ತಿನ್ ಬಲವಂತವಾದ್ ಉಂತಾದ್ ಅಕ್ರಮ ವೇಶ್ಯಾವಾಟಿಕೆಗ್ ಗಲಸೊಂದಿತ್ತೆ ಪನ್ದ್ ತೆರಿದ್ ಬೈದ್ಂಡ್. ಇಲ್ಲದ ದನಿ ಇಲ್ಲದ ತರ್ಕೋಲು ಕೊರ್ದು ಪಿದಯಿ ಪೋನಗ ಆಯೆ ಆ ಕೀನ್ ಗಲಸ್ದ್ ವೇಶ್ಯಾವಾಟಿಕೆದ ವೈವಾಟ್ ಮಲ್ತೊಂದಿತ್ತೆಗೆ. ಒಲವು ತಿಕ್ಕಿನ ಮಣಿಪಾಲ ಪೊಲೀಸೆರ್ ದಾಳಿ ಮಲ್ತ್ದ್ ಸಂತ್ರಸ್ತೆದಿ ಪೋಂಜೊವುನ ರಕ್ಷಣೆ ಮಲ್ತ್ದ್ ಆರೋಪಿ ಗಣೇಶ ನಾಯ್ಕನ್ ಕೈದ್ ಮಲ್ತ್ದ್ ನ್ಯಾಯಂತಡೆದ ಎದುರು ಲೆತೊಂದು ಪೋತೆರ್. ಕುಡೊರಿ ಆರೋಪಿ ಜಾಗೆರ್ದ್ ಪದ್ರಾಡಾತೆ ಪನ್ದ್ ಪೊಲೀಸೆರ್ ತೆರಿಪಾದೆರ್. ಈ ಬಗೆಟ್ ಮಣಿಪಾಲ ಪೊಲೀಸ್ ಸ್ಟೇಶನ್ಡ್ ಪ್ರಕರಣ ದಾಕಲಾತ್ಂಡ್.