Last updated on July 22nd, 2025 at 06:34 am
ದೆಲ್ಲಿ, ಜು. 22: ಆರೋಗ್ಯದ ನೆವನ ಪನ್ಡ್ದ್ ಉಪರಾಷ್ಟ್ರಪತಿ ಸ್ಥಾನೊಗು ಜಗದೀಪ್ ಧನ್ಕರ್ ರಾಜೀನಾಮೆ ಕೊರ್ತೆರ್.
ತನ್ನ ಆರೋಗ್ಯ ರಕ್ಷಣೆಗ್ ಆದ್ಯತೆ ಕೊರ್ಯೆರ ಅಂಚೆನೇ ಬೈದ್ಯೆರೆ ಸಲಹೆಲೆನ್ ಪಾಲಿಪೆರ, ಸಂವಿಧಾನೊದ 67(ಎ) ವಿಧಿಕ್ ಅನುಗುಣವಾದ್, ಈ ಪೊರ್ತುರ್ದೇ ಜಾರಿಗ್ ಬರ್ಪಿಲೆಕ ಭಾರತೊದ ಉಪಾಧ್ಯಕ್ಷೆ ಸ್ಥಾನೊಗು ಯಾನ್ ರಾಜೀನಾಮೆ ಕೊರ್ಪೆ” ಪನ್ದ್ ರಾಷ್ಟ್ರಪತಿ ದ್ರೌಪದಿ ಮುರ್ಮು ಮೆರೆಗ್ ಬರತಿನ ರಾಜೀನಾಮೆದ ಓಲೆಡ್ ಆರ್ ತೆರಿಪಾದೆರ್.
ಈ ಅವಧಿಡ್ ಭಾರತ ಎಡ್ಡೇನ ಆರ್ಥಿಕ ಬೊಲೆಚ್ಚಿಲ್ ಬೊಕ್ಕ ಇದಮುಟ್ಟ ತೂವಂದಿನಂಚಿನ ಅಭಿವೃದ್ಧಿನ್ ತೂಪುನ ಅಂಚೆನೇ ಅವೆಟ್ ಪಾಲ್ಪಡೆಪಿನ ಒಂಜಿ ಸೌಲತ್ತ್ ತಿಕ್ಕ್ದ್ಂಡ್ ಅಂಚೆನೇ ಎಂಕ್ ತೃಪ್ತಿ ಆತ್ಂಡ್ ಪನ್ದ್ ಉಪರಾಷ್ಟ್ರಪತಿಕುಲು ಪನ್ಡೆರ್. ನಮ್ಮ ದೇಶೊದ ಪರತಿರಿದ ಈ ಮಲ್ಲ ಪಗತೆಲೆನ ಕಾಲೋಡು ಚಾಕಿರಿ ಮಲ್ದಿನ ನಿಜವಾಯಿನ ಗೌರವ ಆದುಂಡು ಪನ್ದ್ ಆರ್ ಪನ್ಡೆರ್.
ಜಗದೀಪ್ ಧನ್ಕರ್ ಮೇರ್ ಆಗಸ್ಟ್ 2022 ಟ್ ಭಾರತೊದ ಉಪಾಧ್ಯಕ್ಷೆರಾದ್ ಅಧಿಕಾರ ಗೆತೊಂದಿತ್ತೆರ್.