Last updated on July 22nd, 2025 at 10:37 am
ಕುಡ್ಲ, ಜು. 22: ಜುಲೈ 16 ರ್ದ್ 20 ಮುಟ್ಟ ಚತ್ತೀಸ್ಘಡ್ದ ರಾಯಿಪುರ ಡ್ ನಡತಿನ ರಾಷ್ಟ್ರಮಟ್ಟೊದ ಸೀನಿಯರ್ ಕಿಕ್ ಬಾಕ್ಸಿಂಗ್ ಪಂತೊಡು ಪಾಲ್ಪಡೆದ್ ಕರ್ನಾಟಕೊನು ಪ್ರತಿನಿಧಿತಿನ ನಮ್ಮ ಕುಡ್ಲದ ಕಿಕ್ ಬಾಕ್ಸಿಂಗ್ ಕೂಟ 1 ಬಂಗಾರ್, 3 ಬೊಲ್ಲಿ ಬೊಕ್ಕ 3 ಕಂಚಿದ ಪದಕೊಲೆನ್ ಗೆಂದ್ದ್ಂಡ್. ಈ ಕೂಟೊಡು ಇತ್ತಿನ ಅವ್ನಿ ಎನ್. ಮುಡಿಪು, ,ಅನ್ಶಿ ಎನ್. ಮುಡಿಪು, ರಾಜೀಶ್ ಕೆ ನಾಯರ್, ವಿನೀತ್ ಕುಮಾರ್, ಜಾನ್ವೀ ಕೆ. ಬಂಗೇರ ಒಟ್ಟು 7 ಪದಕೊಲೆನ್ ಗೆಂದುನ ಮುಕೇನ ಎಡ್ಡೇನ ಸಾದಗೊ ಬೆನ್ತೆರ್.
ಅವ್ನಿ: ಕಿಕ್ ಲೈಟ್ಡ್ ಬಂಗಾರ್, ಮ್ಯೂಸಿಕಲ್ ಫಾರ್ಮ್ಸ್ಡ್ ಬೊಲ್ಲಿ , ಲೈಟ್ ಕಾಂಟಾಕ್ಟ್ಡ್ ಬೊಲ್ಲಿ
ರಾಜೀಶ್: ಪಾಯಿಂಟ್ ಫೈಟ್ಡ್ ಬೊಲ್ಲಿ
ಅನ್ಶಿ: ಕ್ರಿಯೇಟಿವ್ ಫಾರ್ಮ್ಸ್ಡ್ ಕಂಚಿ
ವಿನೀತ್: ಲೈಟ್ ಕಾಂಟಾಕ್ಟ್ಡ್ ಕಂಚಿ
ಜಾನ್ವೀ: ಲೈಟ್ ಕಾಂಟಾಕ್ಟ್ಡ್ ಕಂಚಿ
ಮೊಕುಲು ಕುಡ್ಲದ ಇನ್ಸ್ಟಿಟ್ಯೂಟ್ ಆಫ್ ಕರಾಟೆ ಆಂಡ್ ಮಾರ್ಷಲ್ ಆರ್ಟ್ಸ್ (IKMA ) ಸಂಸ್ಥೆದ ವಿಧ್ಯಾರ್ಥಿಲಾದಿತ್ತ್ದ್, ಸಂಸ್ಥೆದ ಮುಖ್ಯಶಿಕ್ಷಕೆರಾಯಿನ ನಿತಿನ್ ಎನ್ ಸುವರ್ಣ ಮೆರೆಡ ತರಬೇತಿ ಗೆತೊಂದೆರ್. ಈ ಕೂಟ ಮೈಸೂರ್ಡ್ ಜೂನ್ 28 ದಾನಿ ನಡತಿನ ರಾಜ್ಯ ಮಟ್ಟೊದ ಅಜಪುಡು ಪಾಲ್ಪಡೆದ್ ರಾಷ್ಟ್ರಮಟ್ಟೊಗು ಅಜತ್ ಬೈದಿತ್ತೆರ್.