Last updated on July 22nd, 2025 at 12:20 pm
ವಿಟ್ಲ ಜುಲೈ 22: ಆಲ್ಟೋ ಕಾರ್ ಬೊಕ್ಕ ಮಿನಿ ಟಿಪ್ಪರ್ದ ನಡುಟು ನಡತಿನ ಭೀಕರ ಎಡ್ತೆಡ್ ಕಾರ್ ಬುಡೊಂದಿತ್ತಿನಾರ್ ತೀರ್ದಿತ್ತ್ದ್, ಕಾರ್ಡಿತ್ತಿನ ಡ್ರೈವರ್ನ ಸಹೋದರಿ ಬೊಕ್ಕ ಬಾಲೆಗ್ ಗಾತಿದ ಗಡಿಕುಲಾತಿನ ನಡಕೆ ವೀರಕಂಭ ಗ್ರಾಮೊದ ಕೆಲಿಂಜಡ್ ಕೋಡೆ ನಡತ್ದ್ಂಡ್.
ತೀರ್ದಿನಾರೆನ್ ಅನತ್ತಾಡಿ ಆಶ್ವತ್ತಡಿ ಮೂಲೊದ ಅನೀಶ್ ಪನ್ದ್ ಗುರ್ತ ಪತ್ತ್ದೆರ್. ಕಲ್ಲಡ್ಕರ್ದ್ ವಿಟ್ಲ ದಂಚಿ ಬರೊಂದಿತ್ತಿನ ಆಲ್ಟೊ ಕಾರ್ಗ್, ವಿಟ್ಲರ್ದ್ ಕಲ್ಲಡ್ಕ ದಂಚಿ ಪೋವೊಂದಿತ್ತಿನ ಮಿನಿ ಟಿಪ್ಪರ್ ಎಡ್ತ್ದ್ಂಡ್, ಎಡ್ತೆರ್ದಾವರ ಕಾರ್ಡಿತ್ತಿನ ಅನೀಶ್ ಬೊಕ್ಕ ಆರೆನ ಸಹೋದರಿ ಬೊಕ್ಕ ಬಾಲೆಗ್ ಗಾತಿದ ಗಡಿಕುಲಾತ.
ಗಡಿಕುಲಾತಿನಕಲೆನ್ ಮರ್ದ್ಗ್ ಕುಡ್ಲದ ಪ್ರೈವೇಟ್ ಆಸ್ಪತ್ರೆಗ್ ಲೆತೊಂದು ಪೋತೆರ್. ಸೋಮವಾರ ರಾತ್ರೆ ಡ್ರೈವರ್ ಅನೀಶ್ ಅನತ್ತಾಡಿ (34) ಮರ್ದ್ ಪಲಿಪಂದೆ ತೀರ್ದೆರ್. ಅನೀಶ್ ಕಾಲಿ ರಡ್ಡ್ ತಿಂಗೊಲುಗು ದುಂಬಾತೆ ಮದಿಮೆ ಇದಿತ್ತೆರ್. ಇಲ್ಲದಕ್ಲೆನ್ ಬುಡ್ಯೆರೆ ಪೋನಗ ಈ ನಡಕೆ ನಡತ್ದ್ಂಡ್ ಪನ್ದ್ ತೆರಿದ್ ಬೈದ್ಂಡ್.