Last updated on July 22nd, 2025 at 02:52 pm
ಕುಡ್ಲ, ಜು. 22: ಕುಡ್ಲದ ಯುವ ಉದ್ಯಮಿ ಹೋಟೆಲ್ ಬೊಕ್ಕ ಬೇತೆ ಬ್ಯುಸಿನೆಸ್ಲೆಡ್ ಇತ್ತಿನ ನಿತಿನ್ ಸುವರ್ಣ ಮೇರ್ ಸೋಮವಾರ ರಾತ್ರೆ ಆತ್ಮಹತ್ಯೆ ಮಲ್ತೊಂದೆರ್.
ಬಿಜೆಪಿಡ್ ಅಂಚೆನೇ ಬಡಕಾಯಿ ಕುಡ್ಲ ಶಾಸಕೆ ಡಾ. ಭರತ್ ಶೆಟ್ಟಿ ಮೆರೆನ ಒಟ್ಟುಗು ಸಕ್ರಿಯವಾದ್ ಇತ್ತಿನ ನಿತಿನ್ ಪಾಕ ಮಾತ್ರೆಲೆನ್ ನಿಂಗ್ದ್ ಆತ್ಮಹತ್ಯೆ ಮಲ್ತೊಂದೆರ್. ಆತ್ಮಹತ್ಯೆಗ್ ಪತ್ತ ಒಲವು ತೆರಿದ್ ಬೈದಿಜಿ. ಆರ್ ಆರ್ಥಿಕ ಸಮಸ್ಯೆಡ್ ಇತ್ತೆರ್ ಪನ್ದ್ ಪನೊಂದುಲ್ಲೆರ್.
ಮೂಲತಃ ಮರೋಳಿ ನಿವಾಸಿ ಆಯಿನ ನಿತಿನ್ ಮೇರ್ ಮಣ್ಣಗುಡ್ಡೆ ಕೈತಲ್ದ ಗುಂಡೂರಾವ್ ಲೇನ್ ಕೈತಲ್ದ ಫ್ಲಾಟ್ಡ್ ಅಪ್ಪೆನ ಒಟ್ಟುಗು ಇತ್ತೆರ್. ಜಾಗೆಗ್ ಬರ್ಕೆ ಪೊಲೀಸೆರ್ ಬತ್ತ್ದ್ ಪರಿಶೀಲನೆ ಮಲ್ತ್ದೆರ್.