Last updated on July 13th, 2025 at 04:38 pm
ಬೊಲ್ತೇರ್, ಜು. 13: ಮದಿಮೆ ಆದುಪ್ಪುನ ಟೀಚರ್ ಒರ್ತಿ ತನ್ನ ಅಪ್ಪೆ ಇಲ್ಲಡ್ ಬಲ್ಲ್ ಪಾಡೊಂದು ಆತ್ಮಹತ್ಯೆ ಮಲ್ತೊಂದಿನ ನಡಕೆ ಜುಲೈ 12 ತಾನಿ ಕೊಯ್ಯೂರ್ಡ್ ನಡತ್ದ್ಂಡ್. ಬೊಲ್ತೇರ್ ತಾಲೂಕ್ದ ಕೊಯ್ಯೂರು ಗ್ರಾಮೊದ ದರ್ಖಾಸ್ ದೇವಪ್ಪ ಬಂಗೇರ ಮೆರೆನ ಮಗಲ್ ರಮ್ಯಾ (33) ಪನ್ದ್ ಗುರ್ತ ಪತ್ತ್ದೆರ್.
ರಡ್ಡ್ ವರ್ಸೊಗು ದುಂಬು ಕೊಯ್ಯೂರು ಗ್ರಾಮೊದ ಪಾದಡ್ಕ ನಿವಾಸಿ ಲತೀಶ್ ಪನ್ಪಿನಾರೆಗ್ ಮದಿಮೆ ಮಲ್ತ್ ಕೊರ್ದಿತ್ತೆರ್. ರಮ್ಯಾ ಬೊಲ್ತೇರ್ ಮುಗುಳಿ ಶಾಲೆಡ್ ಟೀಚರ್ ಆದ್ ಬೇಲೆ ಮಲ್ತೊಂದಿತ್ತೆರ್. ರಮ್ಯಗ್ ಉಸಾರಿಜ್ಜಂದೆ ಇತ್ತ್ದ್, ಅಪ್ಪೆ ಇಲ್ಲಗ್ ಬತ್ತಿತ್ತಿನ ರಮ್ಯಾ ಬೆಸರ್ಡ್ ಆತ್ಮಹತ್ಯೆ ಮಲ್ತೊಂದಿನ ಸಾಧ್ಯತೆ ಉಂಡು ಪನ್ದ್ ಪನೊಂದುಲ್ಲೆರ್. ಬೊಲ್ತೇರ್ ಸ್ಟೇಶನ್ಡ್ ಅತ್ಮಹತ್ಯೆ ಪ್ರಕರಣ ದಾಕಲಾತ್ಂಡ್.
ತೀರ್ದಿನ ರಮ್ಯಾ, ಆರೆನ ನೇಲ್ಯಮ್ಮೆರೆನ ಮಗನ ಮದಿಮೆ ರಡ್ಡ್ ದಿನೊಕು ದುಂಬು ಆದಿತ್ತ್ಂಡ್. ಇಲ್ಲಡ್ ಮಾತಾ ಬಾರೀ ಕುಸಿಟ್ ಇತ್ತೆರ್. ಜುಲೈ 13 ತಾನಿ ತಮ್ಮನದ ಅಟ್ಟನೆಲಾ ಆದಿತ್ತ್ಂಡ್. ಈ ನಡುಟೇ ರಮ್ಯಾ ಆತ್ಯಹತ್ಯೆ ಮಲ್ತೊಂದಿನ ಇಲ್ಲದಕುಲೆಗ್ ತೆಡಿಲ್ ಆಕಿಲೆಕ ಆತ್ಂಡ್.