Last updated on July 16th, 2025 at 08:22 am
ಕುಡುಮ, ಜು. 16: 2003ಟ್ ಧರ್ಮಸ್ಥಳರ್ದ್ ನಾಪತ್ತೆ ಆದಿತ್ತಿನ ವೈದ್ಯಕೀಯ ಕಾಲೇಜ್ ವಿದ್ಯಾರ್ಥಿನಿ ಅನನ್ಯ ಭಟ್ ಪ್ರಕರಣೊದ ವಿಚಾರಣೆ ಮಲ್ಪೊಡು ಪನ್ಡ್ದ್ ಅನನ್ಯ ಭಟ್ನ ಅಪ್ಪೆ ಕೋಡೆ ಪೊಲೀಸ್ ಅಧೀಕ್ಷಕೆರೆಡ ಒಯಿಲ್ ಬರೆಪಾದೆರ್.
ಅನನ್ಯ ಭಟ್ನ ಅಪ್ಪೆ ಸುಜಾತ ಭಟ್ ಮೇರ್ ತನ್ನ ವಕೀಲೆರೆ ಒಟ್ಟುಗು ಎಸ್ಪಿನ್ ಭೇಟಿ ಆದ್, ಮಗಲೆನ ನಾಪತ್ತೆ ಪ್ರಕರಣೊದ ಬಗೆಟ್ ಒಯಿಲ್ ಕೊರ್ದು, ನ್ಯಾಯ ದೆಪ್ಪಾದ್ ಕೊರೊಡು ಪನ್ದ್ ಬಿನ್ನಪು ಮಲ್ತೆರ್. ಎಂಬಿಬಿಎಸ್ ವಿದ್ಯಾರ್ಥಿನಿ ಅನನ್ಯ ಭಟ್ ಮೇರ್ 2003ಟ್ ಧರ್ಮಸ್ಥಳ ದೇಲಂತಡೆಗ್ ಬತ್ತಿನಾರ್ ನಿಗೂಢವಾದ್ ನಾಪತ್ತೆ ಆದಿತ್ತೆರ್.
ಈ ಬಗೆಟ್ ಪೊಲೀಸ್ ಇಲಾಖೆ ಒಲವು ಕೊರ್ದಿತ್ತ್ದ್, ಅನನ್ಯ ಭಟ್ ಪನ್ಪಿ ಪುದರ್ದ ವೈದ್ಯಕೀಯ ವಿಧ್ಯಾರ್ಥಿನಿ 2003ನೇ ಇಸವಿಡ್ ಧರ್ಮಸ್ಥಳ ದೇಲಂತಡೆದ ವಠಾರೊರ್ದು ನಾಪತ್ತೆ ಆದಿತ್ತ್ದ್, ಈ ಬಗೆಟ್ ವಿಚಾರಣೆ ಮಲ್ಪೊಡು ಪನ್ದ್ ಪೊಣ್ಣನ ಅಪ್ಪೆ 15.07.2025 ತಾನಿ ಜಿಲ್ಲಾ ಪೊಲೀಸ್ ಅಧೀಕ್ಷಕೆರೆ ಕಛೇರಿಡ್ ಪೊಲೀಸ್ ಅಧೀಕ್ಷಕೆರೆಗ್ ಒಯಿಲ್ ಅರ್ಜಿ ಕೊರ್ತೆರ್. ಈ ಒಯಿಲ್ದ ಬಗೆಟ್ ವಿಚಾರಣೆ ಮಲ್ತ್ದ್ ಬೋಡಾಪಿನ ಕಾನೂನುಕ್ರಮ ಗೆತೊನುವ ಪನ್ದ್ ಇಲಾಖೆ ತೆರಿಪಾದ್ಂಡ್.