Last updated on July 15th, 2025 at 08:14 pm
ಬಂಟ್ವಾಳ: ತುಳು ರಂಗಭೂಮಿ ಕಲಾವಿದೆ ಮೌನೇಶ್ ಆಚಾರ್ಯ (44) ಮೇರ್ ಇನಿ, ಅಂಗಾರೆ ಕಾಂಡೆ ತನ್ನ ಇಲ್ಲಡೇ ಹಾರ್ಟ್ ಅಟ್ಯಾಕ್ ಆದ್ ತೀರ್ದೆರ್.
ಬಂಗಾರ್ದಕಟ್ಟೆಡ್ ಬೇಲೆ ಮಲ್ತೊಂದಿತ್ತಿನ ಮೇರ್ ಇಲ್ಲದ ಬರಿಟೇ ಒಂಜಿ ಸಾಮಾನ್ದಂಗಡಿಲಾ ದೀದಿತ್ತೆರ್. ಎಡ್ಡೆ ಕುಸಾಲ್ ಮಲ್ಪೆದಿನ ಮೇರ್ ಜಯಂ ಕಲಾನಿಕೇತನ ಮಾಣಿ ಪನ್ಪಿ ನೃತ್ಯಕೂಟೊಡು ಕಲಾವಿದೆ ಆದಿತ್ತೆರ್. ಕಲಾಮಾತೆ ನಾಗನವಲಚ್ಚಿಲ್ ಕೂಟೊದ ಕಲಾವಿದೆ ಆದ್, ಶಾಂತಾರಾಮ್ ಕಲ್ಲಡ್ಕ ಮೆರೆನ ನಿರ್ದೇಶನೊದ ತುಳು ಅಪ್ಪೆಜೋಕುಲು ಕಲಾಬಳಗೊದ ನಾಟಕೊಲೆಡ್ಲಾ ರಂಗ್ ಪೂಜಿದೆರ್.
ಇತ್ತೆ ನಮ್ಮ ಕಲಾವಿದೆರ್ ನೆಲ್ಯಾಡಿ ತುಳುನಾಟಕ ಕೂಟೊದ ಕಲಾವಿದೆ ಆದಿತ್ತಿನ ಮೇರ್ ಯುವ ಕಲಾವಿದೆ ಸಚಿನ್ ಮಾಣಿ ಮೆರೆನ ಕೆಲ ಕುಸಾಲ್ದ ವೀಡಿಯೋಲೆಡ್ ಅಭಿನಯ ಮಲ್ದೆರ್. ಮಾತೆರೆಡಲಾ ಎಡ್ಡೆಡ್ ಇತ್ತಿನ ಮೇರ್ ಅಗತಿನವು ಇಲ್ಲದಕುಲೆಗ್, ಅಭಿಮಾನಿಲೆಗ್ ಬಾರೀ ಬೆಸರ್ ಉಂಡು ಮಲ್ದ್ಂಡ್.