Last updated on July 9th, 2025 at 12:23 pm
ವಡೋದರಾ, ಜುಲೈ 09: ಮಹಿಸಾಗರ ಸುದೆಕ್ ನಾಲ್ ದಶಕೊಗು ದುಂಬು ಕಟ್ಟ್ದಿನ ಗಂಭೀರಾ ಸಂಕ ಜರಿನೆರ್ದಾವರ ಒರ್ಮ್ಬ ಜನ ತೀರ್ದ್, ಪಾಕ ಜನೊಕು ಗಡಿಕುಲಾತಿನ ನಡಕೆ ಗುಜರಾತ್ದ ವಡೋದರಾಡ್ ಇನಿ ಬುಧವಾರ ನಡತ್ದ್ಂಡ್.
ಗಾಡಿಲು ಪೋವೊಂದುಪ್ಪುನಗನೇ ಸಂಕೊದ ನಡು ಜರಿದ್ಂಡ್. ಉಂದೆರ್ದಾವರ ಗಾಡಿಲು ನೀರ್ಗ್ ಬೂರ್ದ್ ಜನ ತೀರ್ದೆರ್ ಪನ್ದ್ ಆರೋಗ್ಯ ಸಚಿವೆ ಋಷಿಕೇಶ ಪಟೇಲ್ ತೆರಿಪಾದೆರ್. ‘ಈ ಸಂಕ 1985 ಟ್ ಕಟ್ಟಾದೆರ್. ಉಂದೆತ ಮೈಂಟೆನೆನ್ಸ್ ಪೊರ್ತು ಪೊರ್ತುಗು ಆಪೆದ್ಂಡ್. ದುರಂತೊಗು ನೆವನ ದಾದ ಪನ್ದ್ ನಾಡೆರ ಜಡ್ತೆ ಮಲ್ಪುವ’ ಪನ್ದ್ ಆರ್ ಪನ್ತೆರ್.
ಟೆಕ್ನಿಕಲ್ ಎಕ್ಸ್ಪರ್ಟ್ ಕೂಟೊನು ಜಾಗೆಗ್ ಕಡಪುಡ್ದ್ ಜಡ್ತೆ ಮಲ್ಪೆರ ಮುಖ್ಯಮಂತ್ರಿ ಭೂಪೇಂದ್ರ ಪಟೇಲ್ ಆದೇಶ ಕೊರ್ತೆರ್.
ಈ ನಡಕೆ ಬುಧವಾರ ಕಾಂಡೆ 7.30ಕ್ ನಡತ್ದ್ಂಡ್. ರಡ್ಡ್ ಪಿಲ್ಲರ್ದ ನಡುತ ಸ್ಲಾಬ್ ಜರಿಪುನ ವಿಡಿಯೊಡು ತೋಜುಂಡು. ರಡ್ಡ್ ಟ್ರಕ್ ಬೊಕ್ಕ ಒಂಜಿ ವ್ಯಾನ್ ಸುದೆಕ್ ಬೂರ್ದ ಪನ್ದ್ ಪೊಲೀಸ್ ಇನ್ಸ್ಪೆಕ್ಟರ್ ವಿಜಯ್ ಚರಣ್ ತೆರಿಪಾದೆರ್.