Last updated on July 6th, 2025 at 04:18 pm
ಒಡಿಪು, ಜು. 6: ಜೂನ್ ತಿಂಗೊಲುಡು ದೇಶೊಡೇ ಎಚ್ಚ ಬರ್ಸ ಬೂರುನ ಮುಕೇನ ಒಡಿಪು ಜಿಲ್ಲೆ ಮೇಘಾಲಯೊದ ಚಿರಾಪುಂಜಿ ಬೊಕ್ಕ ಕರ್ನಾಟಕೊದ ಆಗುಂಬೆನ್ ಪಿರವು ಪಾಡ್ದ್ಂಡ್. ಭಾರತ ಹವಾಮಾನ ಇಲಾಖೆದ (ಐಎಂಡಿ) ಪ್ರಕಾರ, ಉಂದು ಜಿಲ್ಲೆದ ಇದಮುಟ್ಟದ ದಾಖಲೆ ಆದುಂಡು.
ಜೂನ್ ತಿಂಗೊಲ್ದ ಬರ್ಸದ ಅಂಕೆಅಂಶೊಲೆನ ಪ್ರಕಾರ, ಒಡಿಪುಪಿ ಜಿಲ್ಲೆ ಕಾಲಿ ಒಂಜಿ ತಿಂಗೊಲುಡು 1,140 ಮಿ.ಮೀ ಬರ್ಸದೊಟ್ಟುಗು ದೇಶೊಡೇ ಕಡೀರ ತಾನೊಡು ಉಂಡು. ವರ್ಸೊಡು ಏವರೇಜ್ 4,300 ಮಿ.ಮೀ ಬರ್ಸ ಬೂರ್ದಿತ್ತ್ದ್, ಈ ವರ್ಸ ಒಡಿಪುಡು ಇಂಚೆನೇ ಬರ್ಸ ದೊರಿಂಡ ಪೊಸ ದಾಖಲೆ ಆಪಿನ ಸಾಧ್ಯತೆ ಉಂಡು.
ತುಳುನಾಡ್ಡ್ ಒಂಜರೆ ತಿಂಗೊಲುರ್ದಿಂಚಿ ಬುಡಂದೆ ಜೋರುದ ಬರ್ಸ ಬರೊಂದೇ ಉಂಡು. ಕರಿನ ರಡ್ಡ್ ದಶಕೊಡು ಈ ವರ್ಷ ಜಿಲ್ಲೆಡ್ ಬಾರಿ ಎಚ್ಚ ಬರ್ಸ ಬತ್ತ್ದ್ಂಡ್ ಪನ್ದ್ IMD ದ ಡೇಟಾ ತೂಪಾವುಂಡು. ಜೂನ್ 27 ತಾನಾಗ್, ಒಡಿಪು ದೇಶೊಡೇ ಬಾರೀ ಎಚ್ಚ ಬರ್ಸ ಬೈದಿನ ಜಿಲ್ಲೆ ಆತ್ಂಡ್.
ಭಾರತೊಡು ಎಚ್ಚ ಬರ್ಸ ಬೂರುನ ಜಾಗೆ ಪನ್ದ್ ಪಾಕ ವರ್ಸೊರ್ದಿಂಚಿ ಪುದರಾತಿನ ಚಿರಾಪುಂಜಿ ಬೊಕ್ಕ ‘ತೆನ್ಕಾಯಿದ ಚಿರಾಪುಂಜಿ’ ಪನ್ದ್ ಲೆಪ್ಪುನ ಆಗುಂಬೆನ್ ಉ ವರ್ಸ ಒಡಿಪು ಪಿರವು ಪಾಡ್ದ್ಂಡ್. ಜೂನ್ಡ್ ಬುಡಂದೆ ಮೂಜಿ ದಿನ, ಒಡಿಪುಡು ಪ್ರತಿದಿನ 150 ಮಿ.ಮೀ.ರ್ದ್ ಎಚ್ಚ ಬರ್ಸ ಬತ್ತ್ದ್ಂಡ್ – ಇಂಚ ಆಪುನ ಬಾರೀ ಅಪರೂಪ.
ಮಂಗಳೂರು ಜಿಲ್ಲೆಡ್ಲಾ ಒಡಿಪುದ ಬೆರಿಬೆರಿಯೇ ದಾಖಲೆದ ಬರ್ಸ ಆತ್ಂಡ್. 980ಮಿ.ಮೀ ಬರ್ಸದೊಟ್ಟುಗು ಮಂಗಳೂರು ಜಿಲ್ಲೆಲಾ ಜೂನ್ ತಿಂಗೊಲುಡು ಎಚ್ಚ ಬರ್ಸ ಬೂರ್ದಿನ ಜಾಗೆಲೆನ ಪಟ್ಟಿಡ್ ಉಂಡು.