Last updated on August 7th, 2025 at 12:17 pm
ಮೈಸೂರು, ಅ. 07: ಮಾಜಿ ಸಂಸದೆ ಪ್ರತಾಪ್ ಸಿಂಹೆರೆನ ಮೊಬೈಲ್ ಫೋನ್ಡ್ ಇಪ್ಪುನ ಫೋಟೋ ಬೊಕ್ಕ ವೀಡಿಯೊಲೆನ ಬಗೆಟ್ ಜಡ್ತೆ ಮಲ್ತ್ಂಡ, ಮಾಜಿ ಸಂಸದೆ ಪ್ರಜ್ವಲ್ ರೇವಣ್ಣನ ಲೆಕ ಆರೆಗ್ಲಾ ಕರ್ಪಿಲ್ಲ ಶಿಕ್ಷೆ ಆಪುಂಡು ಪನ್ದ್ ಕೆಪಿಸಿಸಿ ವಕ್ತಾರೆ ಎಂ. ಲಕ್ಷ್ಮಣ್ ಪೊಸ ಬಾಂಬ್ ಪುಡತ್ದೆರ್.
ಕೋಡೆ ಮೈಸೂರ್ಡ್ ಸುದ್ದಿಗೋಷ್ಠಿ ಮಲ್ತ್ದ್ ಟಾತೆರ್ನ ಎಂ ಲಕ್ಷ್ಮಣ್, ಸಂಸತ್ಡ್ ನಡತಿನ ಸ್ಮೋಕ್ ಬಾಂಬ್ ನಡಕೆಡ್ ಪೊಲೀಸೆರ್ ಪ್ರತಾಪ್ ಸಿಂಹನ ಮೊಬೈಲ್ ಜಪ್ತಿ ಮಲ್ತಿತ್ತೆರ್. ಆ ಮೊಬೈಲ್ನ್ ಎಸ್ಐಟಿಗ್ ಜಡ್ತೆಗ್ ಕೊರ್ನ್ಡ ಪ್ರಜ್ವಲ್ ಉಲಯಿ ಪೋಯಿಲೆಕ ಪ್ರತಾಪ್ ಸಿಂಹೆ ಉಲಯಿ ಪೋಪೆರ್. ಎನಡ ಈ ಬಗೆಟ್ ಆಧಾರ ಉಂಡು. ಆರೆನ ಮೊಬೈಲ್ಡ್ ಉರ್ಬುಲಿ ಚಿತ್ರೊಲು, ಉರ್ಬುಲಿ ವೀಡಿಯೋಲು ಉಲ್ಲ. ಅಮಿತ್ ಶಾ ಉಂದೆನ್ ತೂದು ಶಾಕ್ ಆತೆರ್ ಪನ್ದ್ ಪನ್ತೆರ್.
ಪ್ರಜ್ವಲ್ ರೇವಣ್ಣನ ಲೆಕನೇ ಪ್ರತಾಪ್ ಸಿಂಹನ ವೀಡಿಯೋಲು ಉಲ್ಲ. ಅಂಚಿನ ವಿಡಿಯೋ ಇಪ್ಪುನೆಕೇ ಗೃಹ ಸಚಿವೆರ್ ಪ್ರತಾಪ್ ಸಿಂಹನ ಮೊಬೈಲ್ ಸೀಝ್ ಮಲ್ಪಾಯೆರ್. ಪ್ರತಾಪ್ ಸಿಂಹನ ಅಶ್ಲೀಲ ವಿಡಿಯೋಲು ಎನ್ನ ಮೊಬೈಲ್ಡೇ ಉಲ್ಲ, ಮೊಬೈಲ್ಡ್ ಇತ್ತಿನ ವಿಡಿಯೋಲೆನ್ ತೂದೇ ಬಿಜೆಪಿ ನಾಯಕೆರ್ ಪ್ರತಾಪ್ ಸಿಂಹಗ್ ಲೋಕಸಭಾ ಟಿಕೆಟ್ ಕೊರ್ತುಜೆರ್. ಅಂಚಿನ ಪ್ರತಾಪ್ ಸಿಂಹಗ್ ಮುಖ್ಯಮಂತ್ರಿ ಸಿದ್ದರಾಮಯ್ಯೆರೆನ ಬಗೆಟ್ ಪಾತೆರುನ ನೈತಿಕತೆ ಉಂಡಾ ಪನ್ದ್ ಪ್ರಶ್ನೆ ಮಲ್ದೆರ್.