ಧರ್ಮಸ್ಥಳ ಗ್ರಾಮ ಪಂಚಾಯತ್‌ರ್ದ್ ಏತ್ ಗುರ್ತದಾಂತಿನ ಪರಕ್ಕೊಲಿ ಪುನೊಕ್ಲೆಗ್ ಪಿರಿಕಟ್ಟ್ ಆತ್ಂಡ್?? – ಆರ್‌ಟಿಐ ಡ್ ತಿಕ್ಕ್ಂಡ್ ಒಲವು

Last updated on August 16th, 2025 at 03:36 pm

ಬೊಲ್ತೇರ್, ಆ. 16: ಧರ್ಮಸ್ಥಳಡ್ ಪುನ ಕೌಂತಿನ ಪ್ರಕರಣೊದ ಜಡ್ತೆ ನಡತೊಂದಿತ್ತಿಲೆಕನೆ ಇತ್ತೆ ಧರ್ಮಸ್ಥಳ ಗ್ರಾಮ ಪಂಚಾಯತ್‌ದಕುಲು 1987 ರ್ದ್ 2025 ಮಾರ್ಚ್‌ ಮುಟ್ಟ ಒಟ್ಟು 279 ಪರಕ್ಕೊಲಿ ಪುನೊಕ್ಲೆಗ್ ಪಿರಿಕಟ್ಟ್ ಮಲ್ತ್‌ದೆರ್ ಪನ್ದ್ ಆರ್‌ಟಿಐ ಮುಕೇನ ತೆರಿದ್ ಬೈದ್ಂಡ್.

ಪ್ರಜಾವಾಣಿ–ಡೆಕ್ಕನ್‌ ಹೆರಾಲ್ಡ್‌ ಪತ್ರಿಕೆ ಆರ್‌ಟಿಐ ಮುಕೇನ ಕೇನ್ಡಿನ ಒಲವುಗು 1987 ರ್ದ್ 2025ತ ಅವಧಿಡ್, ಗುರ್ತ ತಿಕ್ಕಂದಿನ 279 ಪುನೊಕ್ಲೆಡ್ 219 ಆಂಜೊವುಲೆನ, 46 ಪೊಂಜೊವುಲೆನ ಪುನೊಕುಲು, 13 ಪುನೊಕುಲು ಆಂಜೊವುನನ ಪೊಂಜೊವುನನ ಪನ್ದ್ ತೆರಿದ್ ಬೈದಿಜಿ, ಒಂಜಿ ಪುರುಬಾಲೆದ ಪನ್ದ್ ಮಾಹಿತಿ ಹಕ್ಕು ಕಾಯ್ದೆದಡಿಟ್ ಸಂದಾದಿನ ಅರ್ಜಿಗ್ ಪಂಚಾಯಿತಿದ ಮಾಹಿತಿ ಅಧಿಕಾರಿ ಸದು ಕೊರ್ತೆರ್.

ಆತೇ ಅತ್ತಂದೆ 2003–04, 2006–07, 2014–15ನೇ ವರ್ಸೊಲೆಡ್ ಮಾತೆರ್ದ್ ಎಚ್ಚ (17) ಪುನೊಕುಲು, 2009–10, 2011–12ಟ್ 13 ಅಂಚೆನೇ 1990–91, 2005–06, 2007–08, 2018–19 ಬೊಕ್ಕ 2023–24ಟ್ 12, 2008–09 ಬೊಕ್ಕ 2022–23ಟ್ 11 ಅಂಚೆನೇ 2020–21ಟ್ 10 ಪುನೊಕ್ಲೆಗ್ ಪಂಚಾಯಿತಿ ಸೀಮೆಡ್ ಪಿರಿಕಟ್ಟ್ ಆತ್ಂಡ್.