Last updated on August 16th, 2025 at 08:58 am
ಬೆದ್ರ: ಪ್ರೈವೇಟ್ ಬಸ್ಡ್ ಪೋವೊಂದಿತ್ತಿನ ಜವನ್ದಿ ಒರ್ತಿಡ ಪರಬೆ ಒರಿ ಅಸಭ್ಯವಾದ್ ಪಡತೊನುನ ವೀಡಿಯೋ ಒಂಜಿ ಸಾಮಾಜಿಕ ಬಲೆತ್ತಾನೊಡು ವೈರಲ್ ಆದಿತ್ತ್ದ್, ಆರೋಪಿನ್ ಬೆದ್ರ ಪೊಲೀಸೆರ್ ಕೈದ್ ಮಲ್ತ್ದೆರ್.
ಕೈದಾತಿನ ಆರೋಪಿನ್ ಬೊಲ್ವಾಯಿ ಗ್ರಾಮೊದ ಕರಿಯಂಗಡಿ ನಿವಾಸಿ 60 ವರ್ಸೊದ ರೆಹ್ಮಾನ್ ಪನ್ದ್ ಗುರ್ತ ಪತ್ತ್ದೆರ್. ಬಸ್ಡ್ ಫುಲ್ ರಶ್ ಇತ್ತಿನೆರ್ದಾವರ ಜವನ್ದಿ ಉಂತೊಂದು ಪ್ರಯಾಣ ಮಲ್ತೊಂದಿತ್ತಲ್. ಪರಬೆ ಬರಿಟೇ ಇತ್ತಿನ ಸೀಟ್ಡ್ ಕುಲ್ದಿತ್ತೆ. ಈ ಪೊರ್ತುಡು ಜವನ್ದಿಡ ಅಸಭ್ಯವಾದ್ ನಡತೊಂದೆ.
ಈ ವೀಡಿಯೋ ಸಾಮಾಜಿಕ ಬಲೆತ್ತಾನೊಡು ವೈರಲ್ ಆದಿತ್ತ್ಂಡ್. ಇತ್ತೆ ಆರೋಪಿನ್ ಬೆದ್ರ ಪೊಲೀಸೆರ್ ಕೈದ್ ಮಲ್ತ್ದೆರ್.
ಸಂತ್ರಸ್ತೆದಿ ಪೊಣ್ಣು ಏರ್ ಪನ್ದ್ ತೆರಿದ್ ಬೈದಿಜಿ. ಅಂಚಾದ್ ಸಂತ್ರಸ್ತೆದಿ ಪೊಣ್ಣು ಅತ್ತ್ಂಡ ಈ ಆಂಜೊವುರ್ದ್ ಉಪದ್ರ ತಿನ್ತಿನಕುಲು ಏರಾಂಡಲಾ ಸೀದಾ ಬೆದ್ರ ಪೊಲೀಸ್ ಸ್ಟೇಶನ್ಗ್ ಬತ್ತ್ದ್ ಒಯಿಲ್ ಬರೆಪಾವೊಲಿ. ಈ ಬಗೆಟ್ ಬೋಡಾಪಿನ ಕಾನೂನು ಕ್ರಮ ಗೆತೊನುವ ಪನ್ದ್ ಪೊಲೀಸ್ ಪ್ರಕಟಣೆ ತೆರಿಪಾದ್ಂಡ್.