Last updated on August 14th, 2025 at 09:41 am
ಕುಡ್ಲ, ಆ. 14: ಕುಡ್ಲ ಕೊಡಿಯಾಲ್ಬೈಲ್ದ ಕರ್ಪಿಲ್ಲ್ಡ್ ಪಾಡ್ದಿನ ಜಾಮರ್ರ್ದಾವರ ಆವೊಂದೂಪ್ಪುನ ಸಮಸ್ಯೆಲೆಗ್ ಆಯಿನಾತ್ ಬೇಗೊಡು ಪಿರಿಕಟ್ಟ್ ಮಲ್ಪುವ ಪನ್ದ್ ಗೃಹ ಸಚಿವೆ ಡಾ. ಜಿ. ಪರಮೇಶ್ವರ್ ಪಾತೆರ ಕೊರ್ಯೆರ್.
ಆಗಸ್ಟ್ 13ತ ಬುದಾರದಾನಿ, ಪುಜ್ಯೊ ಪೊರ್ತುಡು ಪಾತೆರ್ನ ವಿಧಾನ ಪರಿಷತ್ ಶಾಸಕೆ ಐವನ್ ಡಿಸೋಜಾ ಮಾಧ್ಯಮ ವರದಿಲೆನ ಆಧಾರೊಡು ಪ್ರಶ್ನೆ ಕೇನ್ಡೆರ್. ಕುಡ್ಲ ಕರ್ಪಿಲ್ಲ್ಡ್ ಪಾಡ್ದಿನ ಜಾಮರ್ರ್ದಾವರ 2 ಕಿ.ಮೀ ಸುತ್ತಮುತ್ತದ ಜಾಗೆಲೆಡ್ ಕಾಸ್ದ ವೈವಾಟ್, ಆನ್ಲೈನ್ ಶಿಕ್ಷಣ, ಅಂಗಡಿದಕ್ಲೆಗ್, ಕೋರ್ಟ್ ಪ್ರೊಸೀಡಿಂಗ್ಸ್ಲೆಗ್ ಬಾರೀ ಉಪದ್ರ ಆವೊಂದುಂಡು ಪನ್ದ್ ಆರ್ ತೆರಿಪಾಯೆರ್.
ಪತ್ರಿಕಾ ಮಾಧ್ಯಮೊದ ವರದಿನ್ ಓದುದ್, ಸಮಸ್ಯೆಗ್ ಪಿರಿಕಟ್ಟ್ ಮಲ್ಪೆರ ಗೃಹ ಸಚಿವೆರೆನ ಆದೇಶ ಆದಿತ್ತ್ಂಡಲಾ ಅವೆನ್ ಗೆನ್ತೊಂದಿಜ್ಜೆರ್ ಪನ್ದ್ ಪನ್ಡೆರ್.
ಕುಡ್ಲದ ಕರ್ಪಿಲ್ಲ್ ಅಪಗಪಗ ಪೆಟ್ಟ್ ಲಡಯಿಲೆಗ್ ಸುದ್ದಿ ಆವೊಂದೇ ಇಪ್ಪುಂಡು. ಅಂಚಾದ್ ಬಂಟ್ವಾಳದ ಬಾರೆಪುಣಿಟ್ ಪೊಸತಾದ್ ಕಟ್ಟೊಂದುಪ್ಪುನ ಕರ್ಪಿಲ್ಲ್ಗ್ ಅನುದಾನ ಬುಡುಗಡೆ ಮಲ್ತ್ದ್ ಬೇಗೊಡು ಬೇಲೆ ಆಪುಲೆಕ ಮಲ್ಪುಲೆ ಪನ್ದ್ ಪನ್ಡೆರ್.