Last updated on August 15th, 2025 at 11:35 am
ಬೆಂಗಳೂರು, ಆ. 15: ಇಲ್ಲಡ್ ನಿಗೂಢ ಸ್ಪೋಟ ಆದ್, ಒರಿ ಆಣ್ ತೀರ್ದ್ ಮೂಜಿ ಇಲ್ಲ್ಲ್ ಅಲಕ್ಕ ಚಿಪ್ಪುಡ್ ಚೂರ್ ಆತಿನ ನಡಕೆ ಬೆಂಗಳೂರುದ ವಿಲ್ಸನ್ ಗಾರ್ಡನ್ಧ ಚಿನ್ನಯ್ಯನಪಾಳ್ಯಡ್ ನಡತ್ದ್ಂಡ್.
ಗಾತಿದ ಗಡಿಕುಲಾತಿನ ಆಣ್ ಮುಬಾರಕ್(8) ತೀರ್ದೆ. ಕಸ್ತೂರಿ(28), ಸರಸಮ್ಮ(50), ಸಬ್ರಿನ್ ಬಾನು(35), ಫಾತಿಮಾ(8) ಸೇರ್ದ್ ಪೆಟ್ಟಾತಿನ 12 ಜನಕಾ ಸಂಜಯ್ ಗಾಂಧಿ ಆಸ್ಪತ್ರೆಡ್ ಮರ್ದ್ ನಡತೊಂದುಂಡು. ಆಡುಗೋಡಿ ಪೊಲೀಸ್ ಸ್ಟೇಶನ್ ಸೀಮೆಡ್ ನಡಕೆ ನಡತ್ದ್ಂಡ್. ಪುಡತಿನ ಬರಸ್ಗಾ ಒಂಜನೇ ಮಾಲಿಗೆದ ಸೀಲಿಂಗ್ ಪೊಲಿದ್ ಬೂರ್ದ್ಂಡ್. 8ರ್ದ್ ಲಾ ಎಚ್ಚಿನ ಇಲ್ಲ್ಲೆಗ್ ಹಾನಿ ಆತ್ಂಡ್. ಜಾಗೆಗ್ ಬತ್ತ್ ದ್ ಪರಿಶೀಲನೆ ಮಲ್ದಿನ ಆಡುಗೋಡಿ ಸ್ಟೇಶನ್ ಪೊಲೀಸೆರ್ ಮಿತ್ತ್ಡ್ ತೂನಗ ಸಿಲಿಂಡರ್ ಸ್ಫೋಟ ಆದುಪ್ಪು ಪನ್ದ್ ಪನೊಂದುಲ್ಲೆರ್.