Last updated on August 13th, 2025 at 11:01 am
ಬೋಲ್ತೇರ್, ಆ. 13: ಕರ್ನಾಟಕ ಪ್ರದೇಶ ಕಾಂಗ್ರೆಸ್ ಸಮಿತಿದ ಪ್ರಧಾನ ಕಾರ್ಯಂತೆರ್ ರಕ್ಷಿತ್ ಶಿವರಾಂ ಮೇರ್ ಪಾತೆರ್ದ್ ಧರ್ಮಸ್ಥಳ ಗ್ರಾಮೊಡು ಆಂಜೊವು ಒರಿ ಬರೆಪಾದಿನ ಒಯಿಲ್ದ ಪ್ರಕಾರ ಮುಲ್ಪ ನಡತ್ದ್ಂಡ್ ಪನ್ಪಿನ ಪ್ರಕರಣೊಲೆನ ಬಗೆಟ್ ಜಡ್ತೆಗ್ ಸರ್ಕಾರ ಎಸ್ಐಟಿನ್ ಉಂಡು ಮಲ್ತಿತ್ತ್ದ್, ನಿಷ್ಪಕ್ಷಪಾತವಾದ್ ಜಡ್ತೆಲಾ ನಡತೊಂದುಂಡು.
ಎಸ್ಐಟಿ ಜಡ್ತೆನ್ ಮಲ್ತೊಂದುಪ್ಪುನ ಪೊರ್ತುಡು ಧಾರ್ಮಿಕ ಶ್ರದ್ಧಾ ಕೇಂದ್ರ ಬೊಕ್ಕ ವ್ಯಕ್ತಿಗತವಾದ್ ಮೌಖಿಕ ಬೊಕ್ಕ ಸಾಮಾಜಿಕ ಬಲೆತ್ತಾನೊದ ಮುಕೇನ ಬೋಡು ಬೋಡಾಯಿನ ಪನ್ಪಿನವು ನಾಗರಿಕ ಸಮಾಜೊಗು ಒಂಬುನವತ್ತ್. ಜಡ್ತೆ ಏರೆನ ಪರಲಾ ಅತ್ತ್, ಏರೆನ ವಿರೋಧಲಾ ಅತ್ತ್, ಈ ನೆಲತ ಕಾನೂನು ಪ್ರತಿಯೊರಿ ಪ್ರಜೆನ ಘನತೆ, ಗೌರವೊನ್ಲಾ ಕಾಪುಂಡು.
ಸಾಮಾಜಿಕ ಬಲೆತ್ತಾನೊಡು ಪಗೆ ಪುಟ್ಟಾವುನಕ್ಲೆನ ವಿರುದ್ಧ, ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿಲು ಜೋರುದ ಕ್ರಮ ಗೆತೊನೊಡು. ಎಸ್ಐಟಿ ತನ್ನ ಜಡ್ತೆದ ಮಧ್ಯಂತರ ವರದಿನ್ ಸರ್ಕಾರೊಗು ಸಂದಾದ್ ಸಾರ್ವಜನಿಕ ಗೊಂದಲೊಲೆಗ್ ಚುಕ್ಕೆ ದೀವೊಡು ಪನ್ದ್ ಪನ್ಡೆರ್.