Last updated on August 13th, 2025 at 02:13 pm
ಉಳ್ಳಾಲ, ಆ. 13 : ಸ್ಕೂಟರ್ ಒಂಜಿ ಅಂಕೆ ತತ್ತ್ದ್ ಕಂಪೌಂಡ್ಗ್ ಎಡ್ತಿನೆರ್ದಾವರ ಸ್ಕೂಟರ್ ಬುಡೊಂದಿತ್ತಿನಾರ್ ತೀರ್ದಿನ ನಡಕೆ ಕೋಡೆ, ಅಂಗಾರೆ ರಾತ್ರೆ ಸೋಮೇಶ್ವರ ಪುರಸಭಾ ಸೀಮೆದ ಅಂಬಿಕಾ ಸಾದಿ ಪನ್ಪಿನಲ್ಪ ನಡತ್ದ್ಂಡ್. ತೀರ್ದಿನಾರೆನ್ ಸೋಮೇಶ್ವರ ಪುರಸಭಾ ಸೀಮೆದ ಪಿಲಾರ್ ಮಹಾಲಕ್ಷ್ಮೀ ಮಂದಿರೊದ ಕೈತಲ್ದ ರಾಘವೇಂದ್ರ ಸಾಲ್ಯಾನ್ (44)ಯಾನೆ ರಘು ಪನ್ದ್ ಗುರ್ತ ಪತ್ತ್ದೆರ್.
ಪ್ರೈವೇಟ್ ಕಂಪೆನಿ ಒಂಜೆಟ್ ಇಲೆಕ್ಟಿಕಲ್ ಕಾಂಟ್ರಾಕ್ಟರ್ ಆದ್ ಬೇಲೆ ಮಲ್ತೊಂದಿತ್ತಿನ ರಾಘವೇಂದ್ರೆ ಮೇರ್ ಅಂಗಾರೆ ರಾತ್ರೆ ಬೇಲೆ ಮುಗಿತ್ದ್ ಇಲ್ಲಗ್ ಪಿರಬರೊಂದುಪ್ಪುನಗ ಅಂಬಿಕಾ ಸಾದಿದ ನಿರ್ಮಲಾ ಟ್ರಾವೆಲ್ಸ್ ಗ್ಯಾರೇಜ್ದ ಕೈತಲ್ ಕಂಪೌಂಡ್ಗ್ ಎಡ್ತ್ದ್ಂಡ್. ನಡಕೆಡ್ ರಾಘವೇಂದ್ರೆರೆನ ತರೆ ಸಾದಿ ಬರಿತ ಕಂಪೌಂಡ್ಗ್ ಆಕ್ದ್ ಗಾತಿದ ಗಡಿಕುಲಾತ. ದೇರಳಕಟ್ಟೆದ ಪ್ರೈವೇಟ್ ಆಸ್ಪತ್ರೆಗ್ ಲೆತೊಂದು ಪೋಂಡಲಾ ಸಾದಿ ನಡುಟೇ ಆರ್ ತೀರ್ದೆರ್. ತೆನ್ಕಾಯಿ ಕುಡ್ಲ ಟ್ರಾಫಿಕ್ ಪೊಲೀಸೆರ್ ಜಾಗೆಗ್ ಬತ್ತ್ದ್ ಪರಿಶೀಲನೆ ಮಲ್ತ್ದ್ ಪ್ರಕರಣ ದಾಕಲ್ತೊಂದೆರ್.