ಕುಡ್ಲ: ಉಂತಾದಿತ್ತಿನ ಕಂಟೇನರ್‌ ಲಾರಿಗ್ ಎಡ್ತಿನ ಟೂವೀಲರ್- ಜವನೆ ತೀರ್ಯೆ

Last updated on August 7th, 2025 at 06:47 pm

ಕುಡ್ಲ, ಆ. 07: ಬಲ್ಮಠಡ್ ಟೂವೀಲರ್ ಒಂಜಿ ಉಂತಾದಿತ್ತಿನ ಕಂಟೇನರ್‌ಗ್ ಎಡ್ತಿನೆರ್ದಾವರ 24 ವರ್ಸ ಪ್ರಾಯೊದ ಜವನೆ ಒರಿ ತೀರ್ದೆರ್. ತೀರ್ದಿನ ಜವನನ್ ಮೊಡಂಕಾಪು ನಿವಾಸಿ ಮೆಲ್ರಾಯ್ ಶಾನ್ ಡಿಸೋಜಾ (24) ಪನ್ದ್ ಗುರ್ತ ಪತ್ತ್‌ದೆರ್.

ಮೆಲ್ರಾಯ್ ಶಾನ್ ಡಿಸೋಜಾ ಕುಡ್ಲದ ಪ್ರೈವೇಟ್ ನರ್ಸಿಂಗ್ ಕಾಲೇಜಿಡ್ ಜಿಎನ್‌ಎಂ ಮೂಜನೇ ವರ್ಸ ಕಲ್ತೊಂದಿತ್ತೆರ್.  ಸರ್ಕಾರಿ ಆಸ್ಪತ್ರೆಡ್ ಇಂಟರ್ನ್ ಆದ್‌ಲಾ ಬೇಲೆ ಮಲ್ತೊಂದಿತ್ತೆರ್. ಕದ್ರಿ ಸಂಚಾರ ಪೊಲೀಸ್ ಸ್ಟೇಶನ್‌ಡ್ ಪ್ರಕರಣ ದಾಕಲಾತ್ಂಡ್.