Last updated on September 22nd, 2025 at 02:35 pm
ಕುಡ್ಲ, ಸೆ. 22 : ಯಕ್ಷಗಾನದ ಏಸ ಪಾಡೊಂದು ನಟ್ಟುನೆನ್ ನಿಷೇಧ ಮಲ್ಪೊಡು ಪನ್ದ್ ಬಿಜೆಪಿ ಕಲೆ ಬೊಕ್ಕ ಸಾಂಸ್ಕೃತಿಕ ಪ್ರಕೋಷ್ಠ, ಮಂಗಳೂರು ಜಿಲ್ಲೆದ ಜಿಲ್ಲಾಧಿಕಾರಿ ಬೊಕ್ಕ ಎಸ್ಪಿಗ್ ಬಿನ್ನಪು ಮಲ್ದ್ಂಡ್.
ಮಿತ್ತರ್ಮೆಡ್ ಮಾತ್ರ ಈ ಧಾರ್ಮಿಕ ಶ್ರೇಷ್ಠ ಕಲೆತ ತೂಪರಿಕೆ ಆವೊಡು. ಆಂಡ ಅಷ್ಠೆಮಿ, ಗಣೇಶೋತ್ಸವ, ಮಾರ್ನೆಮಿ ಇಂಚಿನ ಸಂದರ್ಭೊಡು ಯಕ್ಷಗಾನದ ಏಸ ಪಾಡೊಂದು ನಟ್ಟುನವು ತೋಜಿದ್ ಬರ್ಪುಂಡು.
ಯಕ್ಷಗಾನೊಗು ತನ್ನನೇ ಆಯಿನ ಗೌರವ ಉಂಡು. ಉಂದು ಪೂಜನೀಯೊಲಾ ಆದುಂಡು, ಊರು ಪಿದಯೂರುಡು ತನ್ನ ಕಮ್ಮೆನ ಪಸೆರಾದ್ಂಡ್. ಇಂಚಿನ ಯಕ್ಷಗಾನೊನು ಏರೋ ಉಂದೆತ ಗಂಧ ಗಾಳಿ ಇಜ್ಜಂದಿನಕುಲು ಎಡ್ಡೆ ದಿನೊತಾನಿ ಮೋನೆಗ್ ರಂಗ್ ಪೂಜೊಂದು, ಬಾಡಾಯಿಡ್ ತಿಕ್ಕುನ ಯಕ್ಷಗಾನೊದ ಕುಂಟು ತಿಕ್ಕಾವೊಂದು ತೂವರಾವಂದಿಲೆಕ ಉಪದ್ರ ಮಲ್ತೊಂದು ನಟ್ಟುನೆನ್ ಎಂಕ್ಲ ತೂವೊಂದುಲ್ಲ. ಉಂದೆನ್ ನಿಷೇಧ ಮಲ್ಪೆರ ಬಿನ್ನಪು ಮಲ್ತ್.ದ ಪನ್ದ್ ಪ್ರಕೋಷ್ಠದ ಸಂಚಾಲಕೆ, ಯಕ್ಷಗಾನ ಕಲಾವಿದೆ ಸರಪಾಡಿ ಅಶೋಕ್ ಶೆಟ್ಟಿ ಪ್ರಕಟಣೆಡ್ ತೆರಿಪಾದೆರ್.