Last updated on September 22nd, 2025 at 03:31 pm
ಪುತ್ತೂರು: ಆರ್ಯಾಪು ಗ್ರಾಮೊದ ಸಂಟ್ಯಾರು–ಪರ್ಪುಂಜದ ನಡುಟು, ಇನಿ ಸೆ.22ತಾನಿ ಮಧ್ಯಾಹ್ನ ಕೆಎಸ್ಆರ್ಟಿಸಿ ಬಸ್ ಬೊಕೂ ಟೂರಿಸ್ಟ್ ಕಾರ್ದ ನಡುಟು ಭೀಕರ ಎಡ್ತೆ ನಡತ್ದ್ಂಡ್.
ಪುತ್ತೂರ್ರ್ದ್ ಬೆಳ್ಳಾರೆ ದಂಚಿ ಪೋವೊಂದಿತ್ತಿನ ಬಸ್ಗ್, ಸುಳ್ಯ ದಂಚಿರ್ದ್ ಪುತ್ತೂರ್ ಬರೊಂದಿತ್ತಿನ ಕಾರ್ ಎಡ್ತ್ದ್ಂಡ್. ಕಾರ್ ಡ್ರೈವರ್ ಬಾರೀ ಬರಸ್ಡ್ ಅಂಚೆನೇ ಗೋಸ್ಮರಿಡ್ ರಾಂಗ್ ಸೈಡ್ಡ್ ಬತ್ತ್ದ್ ಬಸ್ಗ್ ಎಡ್ತ್ದೆ ಪನ್ದ್ ತೆರಿದ್ ಬೈದ್ಂಡ್.
ಎಡ್ತೆದ ಬರಸ್ಗ್ ಕಾರ್ ತಿರ್ಗ್ದ್ ಉಲ್ಟಾ ಉಂತುದಿತ್ತ್ದ್, ಅಲಕ್ಕ ಞಕ್ಕೆ ಆತ್ಂಡ್. ಆಂಡ ಕಾರ್ಡಿತ್ತಿನ ಡ್ರೈವರ್ ಸೇರ್ದ್ ಇರ್ವೆರ್ ಕಿಞ್ಞ ಕಿಞ್ಞ ಗಡಿಕುಲಾದ್ ಬಚಾವಾತೆರ್.
ಜಾಗೆಗ್ ಪೊಲೀಸೆರ್ ಬತ್ತ್ದ್ ಪರಿಶೀಲನೆ ಮಲ್ತ್ದ್ ಪ್ರಕರಣ ದಾಕಲ್ತೊಂದೆರ್.