ಬಂಟ್ವಾಳ : ಶಾಂತಿಗುಡ್ಡೆ ಲೆಕ್ಕೆಸಿರಿ ದೈವೊದ ವಲಸರಿಗ್ ಕಲ್ಲ್‌ದ ಮೊಟ್ಟು: ಶಿಲಾನ್ಯಾಸ

Last updated on September 1st, 2025 at 11:22 am

ಬಂಟ್ವಾಳ, ಸೆ. 01: ಸರಪಾಡಿ ಶ್ರೀ ಶರಭೇಶ್ವರ ದೇಲಂತಡೆಗ್ ಸಂಬಂಧಿತಿನ ಶಾಂತಿಗುಡ್ಡೆ ಲೆಕ್ಕೆಸಿರಿ ದೈವೊದ ವಲಸರಿ ಬರ್ಯೆರ ಕಲ್ಲ್‌ದ ಮೊಟ್ಟು ಕಟ್ಟೆರ ದೇಲಂತಡೆದ ಜೀರ್ಣೋದ್ಧಾರ ಸಮಿತಿ ಶಿಲಾನ್ಯಾಸ ಮಲ್ತ್ಂಡ್.

ದೇಲಂತಡೆದ ಪ್ರಧಾನ ಅರ್ಚಕೆ ಶಂಕರನಾರಾಯಣ ಹೊಳ್ಳ ಬೊಕ್ಕ ಪುರೋಹಿತೆ ವಿಜಯಕೃಷ್ಣ ಐತಾಳ್ ಪೂಂಜೂರು ಮೊಕುಲು ಧಾರ್ಮಿಕ ವಿಧಿ ವಿಧಾನೊಲೆನ್ ನಡಪಾದ್ ಕೊರ್ಯೆರ್. ಸರಪಾಡಿ ಅರಂತಡೆದ ನರಸಿಂಹ ಐತಾಳ್ ಶಿಲಾನ್ಯಾಸ ಮಲ್ತೆರ್. ಶಿಲ್ಪಿಲೆನ ಪರವಾದ್ ರಮೇಶ್ ಮೆರೆಗ್ ವೀಳ್ಯ ಕೊರ್ಯೆರ್.

ಜೀರ್ಣೋದ್ಧಾರ ಸಮಿತಿದ ಅಧ್ಯಕ್ಷೆ ಎಂ.ಎಸ್.ಶೆಟ್ಟಿ ಸರಪಾಡಿ, ಕಾರ್ಯಾಧ್ಯಕ್ಷೆ ಜಗನ್ನಾಥ ಚೌಟ ಬದಿಗುಡ್ಡೆ, ಪ್ರಧಾನ ಕಾರ್ಯದರ್ಶಿ ನಾರಾಯಣ ಶೆಟ್ಟಿ ಹೊಳ್ಳರಗುತ್ತು, ಕಾರ್ಯದರ್ಶಿ ರಾಧಾಕೃಷ್ಣ ರೈ ಕೊಟ್ಟುಂಜ, ಸರಪಾಡಿ ಯುವಕ ಮಂಡಲೊದ ಅಧ್ಯಕ್ಷೆ ಸಂತೋಷ್ ಶೆಟ್ಟಿ ಪಡ್ಡಾಯಿಬೊಟ್ಟು ಸೇರ್ದ್ ಪಾಕ ಜನ ಸೇರ್ದಿತ್ತೆರ್.