Last updated on September 1st, 2025 at 02:05 pm
ಶಿವಮೊಗ್ಗ, ಸೆ. 01: ಶಿವಮೊಗ್ಗಡ್ 15 ವರ್ಸ ಪ್ರಾಯೊದ ಪೊಣ್ಣು ಒರ್ತಿ ಶೌಚಾಲಯೊಡು ಬಾಲೆ ಪೆದ್ದ್ದಿನ ಪ್ರಕರಣೊಗು ಟ್ವಿಸ್ಟ್ ತಿಕ್ಕ್ದಿತ್ತ್ದ್, ಪೊಣ್ಣನ ಪಲಯೆನ ನಿರಂತರ ಅತ್ಯಾಚಾರರ್ದಾವರ ಪೊಣ್ಣು ಬಂಜಿನಾಲ್ ಆದ್ ಪೆದ್ದ್ದಲ್ ಪನ್ದ್ ವರದಿ ಆತ್ಂಡ್.
ಪೊಣ್ಣನ ಅಪ್ಪೆಅಮ್ಮೆ ಬರೆಪಾದಿನ ಒಯಿಲ್ದ ಪ್ರಕಾರ ಪೋಕ್ಸೋ ಕಾಯ್ದೆದಡಿಟ್ ಪ್ರಕರಣ ದಾಕಲ್ತೊಂದ ಪನ್ದ್ ಪೊಲೀಸೆರ್ ತೆರಿಪಾದೆರ್. 15 ವರ್ಸ ಪ್ರಾಯೊದ ಪೊಣ್ಣಗ್ ಬಂಜಿ ಬರ್ಯೆರ ಆಲೆನ 16 ವರ್ಸ ಪ್ರಾಯೊದ ಪಲಯೆನೇ ನೆವನ ಪನ್ದ್ ಅಪ್ಪೆಅಮ್ಮೆ ಒಯಿಲ್ ಬರೆಪಾದೆರ್. ಈ ಬಗೆಟ್ ಪ್ರಕರಣ ದಾಕಲ್ತೊಂದು ಆಯನ್ ಕೈದ್ ಮಲ್ತ್ದೆರ್. ಪೊಣ್ಣು 9ನೇ ಕ್ಲಾಸ್ ಓದೊಂದಿತ್ತ್ದ್, ಶಾಲೆ ಬುಡ್ದು ಇಲ್ಲಡೇ ಇಪ್ಪೆದಲ್. ಅಪ್ಪೆಅಮ್ಮೆ ಬೇಲೆಗ್ ಪೋದುಪ್ಪುನಗ ಪಲಯೆ ದುಷ್ಕೃತ್ಯ ಮಲ್ತ್ದೆ. ಈ ಬಗೆಟ್ ಇಲ್ಲಡ್ ಪನಂದಿಲೆಕ ಪೊಣ್ಣಗ್ ಪೋಡಿಕಟ್ಟಾದಿತ್ತೆ ಪನ್ದ್ ತೆರಿದ್ ಬೈದ್ಂಡ್ ಪನ್ದ್ ಅಧಿಕಾರಿಲು ಪನ್ತೆರ್.
ಪೊಣ್ಣು ಏಳರೆ ತಿಂಗೊಲುಗೇ ಬಾಲೆನ್ ಪೆದ್ದ್ದಲ್. ಅಂಚಾದ್ ಬಾಲೆನ್ ಶಿವಮೊಗ್ಗದ ಮೆಗ್ಗಾನ್ ಆಸ್ಪತ್ರೆದ ಜೋಕುಲೆನ ವಿಭಾಗೊಗು ದಾಕಲ್ತ್ದ್ ಮರ್ದ್ ಮಲ್ತೊಂದುಲ್ಲೆರ್. ಅಪ್ಪೆಅಮ್ಮೆ ಕೊರ್ತಿನ ಒಯಿಲ್ದ ಪ್ರಕಾರ, 16 ವರ್ಸೊದ ಆಣನ್ ಪತ್ತ್ದ್, ನ್ಯಾಯಂತಡೆದ ಎದುರು ಲೆತೊಂದು ಪೋತ ಪನ್ದ್ ಜಿಲ್ಲಾ ಜೋಕುಲೆನ ರಕ್ಷಣಾಧಿಕಾರಿಲು ಒಲವು ಕೊರ್ತೆರ್.