Last updated on September 4th, 2025 at 08:49 am
ಅರಂತೋಡು, ಸೆ 03: ಕಾರ್ ಬೊಕ್ಕ ಟ್ಯಾಂಕರ್ದ ನಡುಟು ನಡತಿನ ಭೀಕರ ಎಡ್ತೆಡ್ ಕಾರ್ಡಿತ್ತಿನ ಪೊಂಜೊವು ಒರ್ತಿ ತೀರ್ದಿನ ನಡಕೆ ಮಾಣಿ -ಮೈಸೂರು ರಾಷ್ಟ್ರೀಯ ಪೆರ್ಸಾದಿದ ಕಲ್ಲ್ಗುಂಡಿ ಕೈತಲ್ದ ಕಡೆಪಾಲ ಪನ್ಪಿಪಲ್ಪ ಬುಧವಾರ ನಡತ್ದ್ಂಡ್.
ತೀರ್ದಿನಾರೆನ್ ಕೊಡಗುದ ಸಿದ್ದಾಪುರದ ನೆಲ್ಲಿಹುದುಕೇರಿ ನಿವಾಸಿ ಶೋಭಾ ಪನ್ದ್ ಗುರ್ತ ಪತ್ತ್ದೆರ್. ಮಡಿಕೇರಿ ದಂಚಿರ್ದ್ ಸುಳ್ಯ ದಂಚಿ ಬರೊಂದಿತ್ತಿನ ಟ್ಯಾಂಕರ್ ಬೊಕ್ಕ ಸುಳ್ಯರ್ದ್ ಮಡಿಕೇರಿಗ್ ಪೋವೊಂದಿತ್ತಿನ ಕಾರ್ ಎಡ್ತೊಂದು, ಕಾರ್ಡಿತ್ತಿನ ಪೊಂಜೊವು ತೀರ್ದ್, ಕುಡ ಇರ್ವೆರೆಗ್ ಗಡಿಕುಲಾತ ಪನ್ದ್ ತೆರಿದ್ ಬೈದ್ಂಡ್. ಗಡಿಕುಲಾತಿನಕ್ಲೆಗ್ ಸುಳ್ಯದ ಪ್ರೈವೇಟ್ ಆಸ್ಪತ್ರೆಡ್ ಮರ್ದ್ ನಡತೊಂದುಂಡು.