Last updated on September 21st, 2025 at 03:52 pm
ಕುಡ್ಲ, ಸೆ. 21: ಈ ದುಂಬು ರಡ್ಡ್ ಬೇತೆ ಬೇತೆ ಎಡ್ತೆಡ್ ಮೂಜಿ ಜನೊತ ಜೂವ ಗೆತ್ತಿನ ಕೆಎಸ್ಆರ್ಟಿಸಿ ಬಸ್, ಕೋಡೆ ಕುಡೊಂಜಿ ಕಡೆಟ್ ಎಡ್ತ್ದಿತ್ತ್ದ್, ಇರ್ವೆರ್ ಜವನೆರೆಗ್ ಗಾತಿದ ಗಡಿಕುಲಾತ.
ದುಂಬೊರ ಉಂದೇ ಬಸ್ರ್ದಾವರ ಅಮ್ಮೆ-ಮಗೆ, ಬೊಕ್ಕ ಶಾಲೆದ ಜೋಕುಲೆನ್ ಕಾಪೆರ ಪೋದು ಆಂಜೊವು ಒರಿ ತೀರ್ದಿತ್ತೆರ್.
ಸೆಪ್ಟೆಂಬರ್ 20ದಾನಿ ಬಂಟ್ವಾಳ ತಾಲೂಕ್ದ ಮಣಿಮೂಲ್ಕೂರು ಗ್ರಾಮೊದ ಉಜಿರಂಡಪಲ್ಕೆ ಕೈತಲ್ ಕೆಎಸ್ಆರ್ಟಿಸಿ ಬಸ್ ಕಾರ್ಗ್ ಎದುರುರ್ದ್ ಎಡ್ತ್ದ್ಂಡ್. ಎಡ್ತೆಡ್ ದೀಕ್ಷಿತ್ ಬೊಕ್ಕ ಧನುಷ್ ಪನ್ಪಿನಕ್ಲೆಗ್ ಗಾತಿದ ಗಡಿಕುಲಾದಿತ್ತ್ದ್, ಪ್ರೈವೇಟ್ ಆಸ್ಪತ್ರೆಗ್ ದಾಕಲ್ತ್ದೆರ್.
ಈ ಎಡ್ತೆರ್ದ್ ಬೊಕ್ಕ, ಉಂದೇ ಬಸ್ ದುಂಬು ಬೇತೆ ರಡ್ಡ್ ಪೆರಣ ಪೋಪುನಂಚಿನ ಎಡ್ತೆ ಮಲ್ದಿನವು ಬೊಲ್ಪುಗು ಬೈದ್ಂಡ್.
ಸುರುತ ಎಡ್ತೆ 2025ತ ಜೂನ್ 6 ತಾನಿ ನಡತಿತ್ತ್ದ್, ಬಂಟ್ವಾಳ ತಾಲೂಕ್ದ ಫರಂಗಿಪೇಟೆ ಕೈತಲ್ ರಾಷ್ಟ್ರೀಯ ಪೆರ್ಸಾದಿ 75 ಟ್ 28 ವರ್ಸ ಪ್ರಾಯೊದ ರಿಕ್ಷಾ ಡ್ರೈವರ್ ಜಹಿದ್ ಮೆರೆಗ್ ಎಡ್ತ್ದ್ ಆರ್ ತೀರ್ದಿತ್ತೆರ್. ಜಹಿದ್ ಮೇರ್ ಶಾಲೆ ಜೋಕುಲೆಗ್ ತಾದಿ ಕಡಪೆರ ಸಕಾಯ ಮಲ್ತೊಂದುಪ್ಪುನಗ ಬಾರೀ ಬರಸ್ಡ್ ಬತ್ತ್ದ್ ಎಡ್ತಿನೆರ್ದಾವರ ಆರ್ ಅಲ್ಪನೇ ತೀರ್ದಿತ್ತೆರ್.
ಉಂದೆಕ್ ದುಂಬು 2025ತ ಮೇ 11 ತಾನಿ ಮಾಣಿ-ಮೈಸೂರು ರಾಷ್ಟ್ರೀಯ ಪೆರ್ಸಾದಿದ ಕಬಕದ ಕೈತಲ್ ಇಪ್ಪುನ ಕುವೆತ್ತಿಲಡ್ ನಡತಿನ ಗಾತಿದ ಎಡ್ತೆಡ್ ನರಿಕೊಂಬು ಗ್ರಾಮ ಪಂಚಾಯತ್ದ ಪದುಕೆರ್ ಅರುಣ್ ಕುಲಾಲ್ (45) ಬೊಕ್ಕ ಆರೆನ ಮಗೆ ಧ್ಯಾನ್ (15) ತೀರ್ದಿತ್ತೆರ್. ಅರುಣ್ ಕುಲಾಲ್ ಜಾಗೆಡೇ ತೀರ್ಯೆರ್ನ್ಡ, ಧ್ಯಾನ್ ಆಸ್ಪತ್ರೆಡ್ ಮರ್ದ್ ಪಲಿಪಂದೆ ತೀರ್ಯೆರ್.
ಈ ಬೆರಿಬೆರಿ ಎಡ್ತೆರ್ದಾವರ ಅಧಿಕಾರಿಲು ಬೊಕ್ಕ ಸಾರ್ವಜನಿಕ ಪ್ರತಿನಿಧಿಲು ಬೆಗೊಡು ಕ್ರಭ ಗೆತೊನೊಡು ಪನ್ದ್ ಸಾರ್ವಜನಿಕೆರ್ ಆಗ್ರಹ ಮಲ್ತ್ದೆರ್. ರಡ್ಡ್ ಪ್ರಾಣಾಂತಿಕ ಎಡ್ತೆಲು ಕೊಇನ್ಸಿಡೆನ್ಸ್ ಆದುಪ್ಪು, ಆಂಡ ಮೂಜನೇ ಎಡ್ತೆ ಮಂಡೆಬೆಚ್ಚಗ್ ನೆನವ ಆತ್ಂಡ್. ರಡ್ಡನೇ ಎಡ್ತೆರ್ದ್ ಬೊಕ್ಕ ಕೆಎಸ್ಆರ್ಟಿಸಿ ಡ್ರೈವರ್ನಕುಲು ಈ ಬಸ್ನ್ ಗಿಡಪೆರ ಪಿರಜಾರೆದೆರ್ ಪನ್ದ್ ವರದಿ ಆತ್ಂಡ್.