Last updated on September 24th, 2025 at 04:31 pm
ಪುತ್ತೂರು, ಸೆ. 24: ಒಂಜಿ ಕಾರ್ ಸಾದಿ ಕಡತೊಂದಿತ್ತಿನ ಆಂಜೊವುಗು ಎಡ್ತಿನೆರ್ದಾವರ ಆರೆಗ್ ಗಾತಿದ ಗಡಿಕುಲಾತಿನ ನಡಕೆ ಮಾಣಿ-ಮೈಸೂರು ರಾಷ್ಟ್ರೀಯ ಪೆರ್ಸಾದಿದ ಪುತ್ತೂರ್ ತಾಲೂಕ್ದ ಆರ್ಯಾಪು ಗ್ರಾಮೊದ ಸಂಪ್ಯ ಪನ್ಪಿನಲ್ಪ ಇನಿ, ಬುದಾರ ಕಾಂಡೆ ನಡತ್ದ್ಂಡ್.
ಸಂಪ್ಯ ನಿವಾಸಿ ಅಬ್ದುಲ್ ರಹಿಮಾನ್ (58) ಗಡಿಕುಲಾತಿನಾರ್. ಆರೆಗ್ ಸಂಪ್ಯದ ಮೆಡ್ ಲ್ಯಾಂಡ್ ಆಸ್ಪತ್ರೆಡ್ ಪ್ರಾಥಮಿಕ ಮರ್ದ್ ಮಲ್ತ್ದ್ ಬೊಕ್ಕ ಎಚ್ಚಿನ ಮರ್ದ್ಗ್ ಕುಡ್ಲದ ಆಸ್ಪತ್ರೆಗ್ ಲೆತೊಂದು ಪೋತೆರ್. ಅಬ್ದುಲ್ ರಹಿಮಾನ್ ಮೇರ್ ಸಂಪ್ಯ ಪಲ್ಲಿದ ಎದುರು ತನ್ನ ಸ್ಕೂಟರ್ ಉಂತಾದ್ ಸಾದಿ ಕಡಪುನಗ ಎದುರುರ್ದ್ ಬತ್ತಿನ ಕಾರ್ ಎಡ್ತ್ದ್ಂಡ್. ಎಡ್ತೆದ ಬರಸ್ಗ್ ಸಾದಿಗ್ ರಟ್ಟ್ದ್ ಆರೆಗ್ ಗಾತಿದ ಗಡಿಕುಲಾತ. ಪುತ್ತೂರು ಗ್ರಾಮಾಂತರ ಪೊಲೀಸೆರ್ ಪ್ರಕರಣ ದಾಕಲ್ತೊಂದೆರ್.