Last updated on September 23rd, 2025 at 10:28 am
ಕಾಸ್ರೋಡ್, ಸೆ. 22: ಆಮ್ಲೆಟ್ ದೊಂಡೆಡ್ ತಿಕೊಂದು ಆಂಜೊವು ಒರಿ ತೀರ್ದಿನ ನಡಕೆ ಬದಿಯಡ್ಕಡ್ ನಡತ್ದೊಂಡ್. ತೀರ್ದಿನಾರೆನ್ ಬದಿಯಡ್ಕದ ಚುಲ್ಲಿಕ್ಕಾನದ ಅಂಚೆನೇ ಬರಡ್ಕದ ನಿವಾಸಿ ವಿನ್ಸೆಂಟ್ ಕ್ರಾಸ್ತಾ (52) ಪನ್ದ್ ಗುರ್ತ ಪತ್ತ್ದೆರ್.
ಐತಾರ ಬಯ್ಯಡ್ ವಿನ್ಸೆಂಟ್ ತನ್ನ ಇಲ್ಲದ ಮುಟ್ಟದ ಗೂಡಂಗಡೀಡ್ ಆಮ್ಲೆಟ್ ತಿನೊಂದುಪ್ಪುನಗ ಈ ನಡಕೆ ನಡತ್ದ್ಂಡಾ. ತೆನಸ್ ದೊಂಡೆಡ್ ತಿಕೊಂದಿನೆರ್ದಾವರ ಆರ್ ಮರ್ಕಸಂಕಡಡ್ ತುಲ್ಲರೊಂದಿತ್ತೆರ್ ಪನ್ದ್ ವರದಿ ಆತ್ಂಡ್. ಆರೆನ್ ಅಪಗನೇ ಕುಂಬ್ಳೆ ಆಸ್ಪತ್ರೆಗ್ ಲೆತೊಂದು ಪೋಂಡಲಾ, ಬೈದ್ಯೆರ್ ಅಡೆ ಎತ್ತೆರೆ ದುಂಬೇ ತೀರ್ದಿತ್ತೆರ್ ಪನ್ದ್ ಘೋಷಣೆ ಮಲ್ದೆರ್.
ವಿನ್ಸೆಂಟ್ ಬೇಲಾ ಕಟ್ಟತಂಗಡಿದ ವೆಲ್ಡಿಂಗ್ ಅಂಗಡಿಡ್ ಬೇಲೆ ಮಲ್ತೊಂದಿತ್ತೆರ್. ಕಾಸ್ರೋಡ್ ಜನರಲ್ ಆಸ್ಪತ್ರೆಡ್ ಮರಣೋತ್ತರ ಪರೀಕ್ಷೆರ್ದ್ ಬೊಕ್ಕ, ಆರೆನ ಪುನೊನು ಇಲ್ಲದಕ್ಲೆಗ್ ಕೊರ್ಯೆರ್.
ಬದಿಯಡ್ಕ ಪೊಲೀಸೆರ್ ಪರಿಶೀಲನೆ ಮಲ್ತ್ದ್ ಅಸಹಜ ಸಾವು ಪ್ರಕರಣ ದಾಕಲ್ತೊಂದೆರ್.