Last updated on September 23rd, 2025 at 01:22 pm
ಪುತ್ತೂರು, ಸೆ. 23: ಎಡ್ಡೆನ್ನ ಉಚ್ಚು ತುಚ್ಚಿದ್ ಇಸ ಏರ್ದಿತ್ತಿನ ಆಂಜೊವುನು ಡಾಕ್ಟರ್ನಕುಲು 90 ಇಂಜೆಕ್ಷನ್ ಕೊರ್ದು ಬದ್ಕಾದೆರ್.
ಪುತ್ತೂರ್ದ ಆದರ್ಶ ಆಸ್ಪತ್ರೆಡ್ ಈ ಅಪರೂಪದ ನಡಕೆ ನಡತ್ದ್ಂಡ್. ಪುತ್ತೂರ್ದ ಗೋಳಿತ್ತೊಟ್ಟು ಶಾಂತಿನಗರ ನಿವಾಸಿ ಶೀನಪ್ಪ ಗೌಡೆರ್(63) ಕಾಂಡೆ ತೋಟಗ್ ಕೈಲ್ ಕಡ್ಪೆರ ಪೋದಿತ್ತಿನ ಪೊರ್ತುಡು ಆರೆನ ಎಡತ್ತ ಕಾರ್ದ ಪಿರವು ಮೆಯಿಕ್ ಉಚ್ಚು ತುಚ್ಚಿದ್ಂಡ್. ಉಂದೆರ್ದಾವರ ಇಸಏರೊಂದು ಬತ್ತಿನ ಶೀನಪ್ಪೆರೆನ್ ಇಲ್ಲದಕುಲು ನೆಲ್ಯಾಡಿದ ಪ್ರೈವೇಟ್ ಆಸ್ಪತ್ರೆಗ್ ಲೆತೊಂದು ಪೋತೆರ್.
ಅಲ್ಪರ್ದ್ ಎಚ್ಚಿನ ಮರ್ದ್ಗ್ ಮಧ್ಯಾಹ್ನ 3.30ಕ್ಕ್ ಪುತ್ತೂರು ಆದರ್ಶ ಆಸ್ಪತ್ರೆಗ್ ಲೆತೊಂದು ಪೋತೆರ್. ಆ ಪೊರ್ತುಗಾನಗನೇ ಇಸ ಏರ್ದ್ ಶೀನಪ್ಪ ಗೌಡೆರ್ ಉಸಾರ್ ತತ್ತ್ದ್, ಮತಿ ತತ್ತಿತ್ತೆರ್. ಅಂಚಿಲತ್ತ್ ಇಂಚಿಲತ್ತ್ ಪನ್ದ್ ಇತ್ತಿನ ಶೀನಪ್ಪ ಗೌಡ್ರೆನ್ ಬದ್ಕಾಯೆರ ಡಾಕ್ಟರ್ನಕುಲು 90 ಇಂಜೆಕ್ಷನ್ ಕೊರ್ತೆರ್. ಬೈದ್ಯೆರೆನ ಪುನೆಪುರ್ದಾವರ ಎಂಚಲಾ ಶೀನಪ್ಪ ಗೌಡ್ರ್ ಬದ್ಕ್ದ್ ಒರಿದೆರ್.