Last updated on September 2nd, 2025 at 11:05 am
ಪುತ್ತೂರು, ಸೆ. 02: ಪುತ್ತೂರು ತಾಲೂಕು ಕಚೇರಿಗ್ ಸಂಬಂಧಿತಿನ ಲಂಚ ಪ್ರಕರಣೊಡು ರಡ್ಡನೇ ಆರೋಪಿ ಆದುಪ್ಪುನ ತಹಶೀಲ್ದಾರ್ ಎಸ್.ಬಿ. ಕೂಡಲಗಿ ಮೇರ್ ಕೋಡೆ, ಸೋಮವಾರದ ವಿಚಾರಣೆಗ್ ಬೈದಿಜೆರ್.
ಆಗಸ್ಟ್ 28 ದಾನಿ ಲೋಕಾಯುಕ್ತ ಅಧಿಕಾರಿಲು ತಾಲೂಕು ಕಚೇರಿದ ಮಿತ್ತ್ ದಾಳಿ ಮಲ್ತ್ದ್, ಪ್ರಕರಣೊಗು ಸಂಬಂಧಿತ್ದ್ ಒರಿಯನ್ ಕೈದ್ ಮಲ್ತಿತ್ತೆರ್. ಈ ಪೊರ್ತುಡು ತಹಶೀಲ್ದಾರ್ ನಾಪತ್ತೆ ಆದಿತ್ತೆರ್. ಅವೆರ್ದ್ ಬೊಕ್ಕ, ಲೋಕಾಯುಕ್ತ ಪೊಲೀಸೆರ್ ಸೆಪ್ಟೆಂಬರ್ 1 ತಾನಿ ಕುಡ್ಲಡ್ ತನ್ಕುಲೆ ಕಚೇರಿಡ್ ವಿಚಾರಣೆಗ್ ಬರೊಡು ಪನ್ದ್ ಆರೆಗ್ ನೋಟಿಸ್ ಜಾರಿ ಮಲ್ತಿತ್ತೆರ್.
ಆಂಡಲಾ, ಆರ್ ವಿಚಾರಣೆಗ್ ಬೈದಿಜೆರ್. ಅಂಚಾದ್ ಲೋಕಾಯುಕ್ತ ಪೊಲೀಸೆರ್ ಕುಡೊಂಜಿ ನೋಟಿಸ್ ಕೊರ್ಪುನ ಸಾಧ್ಯತೆ ಉಂಡು ಪನ್ದ್ ಮೂಲೊಲೆರ್ದ್ ತೆರಿದ್ ಬೈದ್ಂಡ್. ಲೋಕಾಯುಕ್ತರ್ದ್ ವಿಚಾರಣೆಗ್ ಲೆತ್ತ್ಂಡ ತಪ್ಪಂದೆ ಪೋವೊಡು, ಅಂಚಾದ್ ತಹಶೀಲ್ದಾರ್ ಬರಂದಿನವು ಆರೆನ ನನದ ನಡೆತ ಬಗೆಟ್ ಸಾರ್ವಜನಿಕೆರೆಡ ಚೋದ್ಯ ಉಂಡು ಮಲ್ದ್ಂಡ್.